تل ابیب کے لیے براہ راست پرواز شروع کرنے پر مصری صارفین میں غم وغصہ کی لہر

?️ 25 ستمبر 2021

سچ خبریں:مصر ایئرلائن نے پہلی بار تل ابیب بین گوریون ہوائی اڈے کو دنیا بھر میں سفر کرنے کے اپنے اڈوں کی فہرست میں شامل کیا ہے۔
مصر ایئرلائن مصر للطیران نے پہلی بار تل ابیب بین گوریون ہوائی اڈے کو دنیا بھر میں سفر کرنے کے اپنے اڈوں کی فہرست میں شامل کیا تواس خبر نےمصری سوشل میڈیا صارفین کو مشتعل کردیا جس کے بعد انھوں نے اس اقدام کی مخالفت کرتے ہوئے اس بات پر زور دیا کہ سمجھوتہ کرنے والی حکومتوں کی تمام کوششیں ناکام ہو جائیں گی اور مسئلہ فلسطین مسلمانوں اور عربوں کے لیے اول درجہ کا مسئلہ رہے گا۔

واضح رہے کہ مصر ائرلائن کے یہ غیر معمولی اقدام صیہونی وزیر اعظم نفتالی بینیٹ کے مصر آنے اور مصری صدر عبدالفتاح السیسی کے ساتھ ملاقات کرنےکے چند دن بعد ہواجبکہ مصری میڈیا نے اس سفر پر زیادہ توجہ نہیں دی،تاہم صیہونی میڈیا نےاس کی مکمل کوریج کی جبکہ بینیٹ نےمصر پہنچنے کے بعد سے شرم الشیخ اور بات چیت کی نوعیت تک اور واپس آنے تک اپنے سفر کے تمام لمحات کو ٹویٹ کیا۔

صیہونی چینل کان کے مطابق گذشتہ کئی دہائیوں میں مصری ایئر لائنز تل ابیب کے بین گوریون ہوائی اڈے پر پہلی بار براہ راست پروازیں شروع کرے گی،واضح رہے کہ ان طیاروں پر مصری پرچم لگا ہوا ہوگا جبکہ یہ تل ابیب سے شرم الشیخ اور قاہرہ جانے والی دیگر پروازوں کے برعکس ہوگا جو چھوٹی کمپنی سینا للطیران کے ذریعے چلائی جاتی تھی،واضح رہے کہ قاہرہ اور تل ابیب کے درمیان کیمپ ڈیوڈ معاہدوں پر دستخط کے بعد سے سینا ایئرلائنز ، جن کے طیاروں پر مصری پرچم نہیں ہوتا ہے، نے سینا ویب سائٹ پر درج کیے بغیر قاہرہ سے تل ابیب جانے کے لیے صرف دو نجی جیٹ طیارے چلائے ہیں۔

یادرہے کہ سائبر اسپیس میں مصری عوام نے اس بات پر زور دیتے ہوئے کہ مصر اور اسرائیل کے تعلقات میں اگلا مرحلہ عوامی سمجھوتے کا مرحلہ ہوگا،کہا کہ صیہونی حکومت کے ساتھ سمجھوتہ دھوکہ ہے،غادہ امام نے ٹویٹر پر لکھاکہ پہلی بارمصرللطیران نے بین گوریون ہوائی اڈے کو اپنی سفری فہرست میں شامل کیا ہے ،اس اقدام کی وجہ کیا ہے؟ کیا سمجھوتے کا ایک نیا مرحلہ شروع ہو گیا ہے؟ اور کیا مصری اس نئے امن کو قبول کریں گے؟