بیٹری پر چلنے والا وزیر اعظم

?️ 23 جولائی 2023

سچ خبریں: اسرائیلی وزیر اعظم کے دفتر نے ایک بیان میں اعلان کیا ہے کہ نیتن یاہو کا آج رات ان کے دل میں مصنوعی پیس میکر لگوانے کے لیے آپریشن ہوگا۔

اتوار کی صبح صہیونی ذرائع ابلاغ نے اطلاع دی کہ صیہونی حکومت کے وزیر اعظم بنیامین نیتن یاہو ایک بار پھر اسپتال گئے اور انہیں دل کی سرجری کے لیے داخل کیا گیا۔

جعلی صیہونی حکومت کے وزیر اعظم کے دفتر نے ایک بیان میں اعلان کیا ہے نیتن یاہو کا آج رات ان کے دل میں مصنوعی پیس میکر لگوانے کے لیے آپریشن ہوگا یا یوں کہا جائے کہ ان کے دل میں بیٹری لگائی جائے گی تاکہ کچھ دن اور کام کر سکیں۔

یروشلم پوسٹ اخبار کے مطابق نیتن یاہو نے ایک پیغام میں یہ بھی کہ میں بالکل ٹھیک ہوں لیکن اپنے ڈاکٹروں کے مشورے پر عمل کر رہا ہوں،ان کا کہنا تھا کہ مجھے کل دوپہر ہسپتال سے ڈسچارج کر دیا جائے گا اور میں ووٹنگ سیشن کے لیے کنیسٹ جا سکتا ہوں۔

یہ بھی پڑھیں: اگر ہیکر نیتن یاہو کے دل کی دھڑکن چیک کرنے والی چپ تک پہنچ گئے تو کیا ہوگا؟

یاد رہے کہ اس سے قبل صیہونی میڈیا نے نیتن یاہو کی بیماری کو  لے کر اس حکومت کے نائب وزیراعظم کے عہدے کی جگہ خالی ہونے پر تنقید کی جس کے بعد آج رات نیتن یاہو کی سرجری سے قبل عجلت میں انہوں نے اپنے نائب کا اعلان کردیا۔

یروشلم پوسٹ کے رپورٹر نے اطلاع دی ہے کہ تل ابیب کی کابینہ نے ایک فون کال کے ذریعے متنازعہ وزیر انصاف اور اس حکومت میں بحران پیدا کرنے والی عدالتی تبدیلیوں کے معمار یاریو لوین کی بطور نائب وزیر اعظم تقرری کی منظوری دے دی ہے۔

ٹائمز آف اسرائیل نیوز سائٹ نے ایک گھنٹے بعد اطلاع دی کہ نیتن یاہو کے دل کی سرجری کے لیے اسپتال میں داخل ہونے کے بعد، تل ابیب میں کابینہ کا ہفتہ وار اجلاس غیر معینہ وقت تک ملتوی کر دیا گیا ہے۔

اس کے علاوہ صہیونی فوج کے چیف آف جنرل اسٹاف ہرزی ہالوی کی نیتن یاہو کے ساتھ ہونے والی اہم سکیورٹی میٹنگ کسی اور وقت کے لیے ملتوی کر دی گئی ہے۔

مزید پڑھیں: نیتن یاہو کی جسمانی حالت کیسی ہے؟ اسرائیلی پروفیسر کا انکشاف

یاد رہے کہ 15 جولائی کو صیہونی ذرائع ابلاغ نے اعلان کیا کہ صیہونی وزیر اعظم کو بیہوش ہوجانے اور سینے میں درد کی وجہ سے تل ہشومر کے علاقے شیبا اسپتال لے جایا گیا ہے۔