جسے حراست میں لیا اُسے چھوڑ دیا،پی ٹی آئی کے پاس احتجاج کیلیے لوگ نہیں۔ طلال چودھری

?️ 6 اگست 2025

اسلام آباد (سچ خبریں) وزیر مملکت برائے داخلہ طلال چودھری نے کہا ہے کہ پی ٹی آئی کے پاس احتجاج کے لیے لوگ نہیں ہیں ۔پاپولر ہونے سے کسی کے جرائم معاف نہیں ہوسکتے، 9 مئی کے واقعات پی ٹی آئی کے لوگوں نے کیے ہیں۔

تفصیلات کے مطابق طلال چوہدری نے کہا کہ احتجاج کے لیے آئین میں کچھ شرائط ہیں وہ پوری کرنا پڑتی ہیں۔ پورے پنجاب میں 950 لوگ دو، دو، چار، چار کی صورت میں نکلے، پی ٹی آئی کے پاس احتجاج کے لیے لوگ نہیں ہیں۔

ذرائع کے مطابق انہوں نے کہا کہ وفاق میں کسی منتخب رکن کو حراست میں نہیں لیا، اراکین، قومی اسمبلی میں کھانا کھاتے اور گپیں لگاتے رہے۔ پنجاب میں بھی جسے حراست میں لیا اُسے چھوڑ دیا گیا۔