سچ خبریں:الحشد الشعبی نے جنرل قاسم سلیمانی اور الحشد الشعبی کے شہداء کی دوسری برسی کے موقع پر بغداد میں کار مارچ کے انعقاد کا اعلان کیا۔
الحشد الشعبی تنظیم نے آج جمعہ کوعراقی عوام سے جنرل قاسم سلیمانی، ابو مہدی المہندس اور الحشد کے شہداء کی شہادت کی دوسری برسی کے موقع پر بغداد میں کار مارچ کرنے کی اپیل کی ہے،یہ ریلی دوپہر ایک سے پانچ بجے تک بغداد کی فلسطین اسٹریٹ سے شروع ہوکر التحریر اسکوائر پر اختتام پذیر ہوگی جس کے بعد اس جگہ اجتماع منعقد کیا جائے گا۔
یادرہے کہ امریکی دہشتگردوں نے قاسم سلیمانی اور ابو مہدی المہندس کے قتل کے ساتھ ساتھ عراق کے القائم علاقے میں الحشد الشعبی کے ٹھکانوں پر بمباری کی جس میں تقریباً 100افراد شہید اور زخمی ہوئے،اسی مناسبت سے ان دنوں عراقی مختلف تنظیمیں اور ادارے ان کی یاد میں مختلف تقریبات کا اہتمام کررہے ہیں۔
اسی سلسلے میں بدھ کے روز بغداد کےالتحریر اسکوائر پر عراقی عوام کی بڑی موجودگی کا مشاہدہ کیا گیا جس میں امریکہ کے ہاتھوں الحشد الشعبی فورسز کی القائم علاقے میں شہادت کی دوسری برسی منائی گئی،درایں اثناکل رات، عراقیوں نے #نحن_قاسم #موعدنا_السبت_بالجادریة و #اخراج_المحتل_مطلب_وطنی و #ثأرکم_خروج_المحتل ہیش ٹیگز کے ساتھ سائبر اسپیس میں بھی ہلچل مچا دی ۔
انہوں نے عراق سے امریکی قابضین کے مکمل انخلاء کا مطالبہ کیا اور لوگوں سے کل بروز ہفتہ الجادریہ کے علاقے میں جمع ہونے کی اپیل کی۔