چین نے بھی ہماری ایئرفورس کی کارکردگی کو سراہا۔ رانا تنویر

?️ 12 جولائی 2025

اسلام آباد (سچ خبریں) مسلم لیگ ن کے رہنما رانا تنویر حسین نے کہا ہے کہ مسلم لیگ ن کی حکومت نے ہمیشہ عوام کی خدمت کی ہے، عوام کو سہولیات کی فراہمی ہماری ترجیح ہے، پی ٹی آئی حکومت میں پنجاب میں تباہی ہوئی، پی ٹی آئی حکومت نے اداروں کو برباد کیا۔

تفصیلات کے مطابق رانا تنویر نے کہا ہے کہ پی ٹی آئی دور میں ملک دیوالیہ ہونے کے قریب تھا، آج دوست ممالک ہمارے قریب ہیں، یہ سفارتی کامیابی ہے، بھارت آج دنیا میں تنہائی کا شکار ہے، صرف اسرائیل بھارت کے ساتھ ہے، بھارتی جرنیل آج اپنی شکست تسلیم کررہےہیں، چین نے بھی ہماری ایئرفورس کی کارکردگی کو سراہا۔

ذرائع کے مطابق ان کا کہنا تھا کہ ایک بار پھر ملک ترقی کی راہ پر گامزن ہوچکا ہے، اب ہم معاشی طور پر اپنے پاؤں پر کھڑے ہوگئے ہیں، ملکی زرمبادلہ بڑھ رہے ہیں، اسٹاک مارکیٹ روز نئے ریکارڈ بنا رہی ہے۔