برطانیہ کا نئے ایٹمی ری ایکٹر بنانے کا اعلان

🗓️ 26 ستمبر 2021

سچ خبریں:برطانوی وزیراعظم نے اپنے ملک میں کم از کم 16 نئے ایٹمی ری ایکٹر بنانے کے منصوبے کی منظوری دے دی ہے جس کا مقصد 2050 تک گرین ہاؤس گیسوں کے اخراج کو کم کرنا ہے۔

برطانوی اخبارسنڈے ٹائمز کی رپورٹ کے مطابق برطانوی وزیر اعظم بورس جانسن 2050 تک ملک میں ایٹمی ری ایکٹروں کی نئی نسل کی تعمیر کی حمایت کرتے ہیں،اخبار میں دعویٰ کیا گیا ہے کہ برطانوی کابینہ کے وزراء نے ایٹمی توانائی کی طرف پیش قدمی کی ہے ، جسے جانسن 2050 تک کے حکومتی ہدف کے حصول کے لیے ضروری سمجھتے ہیں۔

اخبار کے مطابق برطانوی کامرس سکریٹری کوسی کوارٹنگ برطانیہ میں چھوٹے ایٹمی ری ایکٹروں کے بیڑے کی تعمیر کے لیے رولز رائس موٹرز کے لیے فنڈنگ کی منظوری دینے کے لیے تیار ہیں ۔رولس رائس نے ملک میں کم از کم 16 ایٹمی بجلی گھر بنانے کا منصوبہ بنایا ہے۔

درایں اثنابرطانوی وزیر اعظم کے ترجمان نے اس بات پر بھی زور دیا کہ ایٹمی توانائی حکومت کے ایجنڈے میں سر فہرست ہے اس لیے کہ اگر حکومت گرین ہاؤس گیسوں کے اخراج کو صفر پر لانا چاہتی ہے اور توانائی کی حفاظت کو یقینی بنانا چاہتی ہے تو اسے ایکشن لینا چاہیے۔

واضح رہے کہ برطانوی حکومت کی جانب سے جدید ایٹمی ری ایکٹر بنانے کی کوششوں کی خبریں اس وقت آئی ہیں جبکہ برطانیہ بھر میں سیکڑوں ڈرائیور سڑکیں بلاک کر رہے ہیں جس کے نتیجہ میں برٹش پٹرولیم (بی پی) نے اعلان کیا کہ اس نے ٹرک ڈرائیوروں کی کمی کی وجہ سے ملک میں اپنے بہت سے گیس اسٹیشن بند کردیئے ہیں۔

یادرہے کہ برٹش روڈ ٹرانسپورٹ ایسوسی ایشن کا کہنا ہے کہ ملک کو تقریبا 100 ایک لاکھ لائسنس یافتہ ٹرک ڈرائیوروں کی کمی کا سامنا ہے۔