برطانیہ میں اسرائیلی اسلحہ ساز فیکٹری بند

?️ 8 فروری 2022

سچ خبریں:برطانوی شہریوں کے احتجاج اور بین الاقوامی مہم کے دوران انگلینڈ کے شہر اولڈہم میں اسرائیلی کمپنی ’ ایلبٹ سسٹمز‘ کی شاخ کو بند کر دیا گیا۔
برطانیہ میں ہونے والےکئی مہینوں کے احتجاج کے بعد صہیونی کمپنی ایلبٹ سسٹمز اس ملک کے شہر اولڈہم میں مکمل طور پر بند ہو گئی ہے ،یادرہے کہ اسرائیلی اسلحہ ساز فیکٹری کی بندش سے کمپنی کو مجبوراً اپنا برانڈ تقریباً 10 ملین ڈالر میں فروخت کرنا پڑا،واضح رہےکہ اولڈہم اور دیگر برطانوی شہروں میں فلسطینی حقوق کے کارکن گزشتہ 29 ہفتوں سے ہتھیاروں کی اس فیکٹری کے خلاف احتجاج کر رہے ہیں۔

مظاہرین کے مطابق اس سال تقریباً 100 احتجاجی مظاہرے ہو چکے ہیں جن سے صہیونی کمپنی کو تقریباً 20 ملین ڈالر کا نقصان پہنچا ہے، انہوں نے پلانٹ کے سامان اور خدمات کے بائیکاٹ کی مہم بھی شروع کی۔ ان دباؤ نے کمپنی کے لیے اس شہر میں کام جاری رکھنا مشکل بنا دیاجبکہ یہ کمپنی صیہونی حکومت کے ہتھیاروں کی سب سے بڑی کمپنی ہے، 2021 کے آخر تک اس صیہونی کمپنی کی برطانیہ بھر میں 10 شاخیں اور 4 ذیلی کمپنیاں تھیں۔

واضح رہے کہ ایلبٹ سسٹمز ایک اسرائیلی ایرو اسپیس، جنگی اور انفارمیشن ٹیکنالوجی کمپنی ہے جو وسیع پیمانے پر جنگی آلات تیار کرتی ہےجن میں ریڈیو کمیونیکیشن سسٹم، ڈرون، ریڈار، بحری آلات، ریموٹ کنٹرول ہتھیار اور الیکٹرانک وارفیئر شامل ہیں۔

اس کمپنی کی بنیاد ایلرون الیکٹرانک انڈسٹریز نے 1967 میں رکھی تھی اور یہ اٹلی، فرانس، رومانیہ، برطانیہ، ویلز، کولمبیا، برازیل اور امریکہ میں کام کرتی ہے، ایلبٹ سسٹمز کا صدر دفتر حیفا میں ہے اور اس کے حصص کی تجارت نیس ڈیک اسٹاک ایکسچینج اور تل ابیب اسٹاک ایکسچینج میں ہوتی ہے۔