سچ خبریں: منگل کی صبح خبری ذرائع نے جنوبی یمن کے آبنائے باب المندب میں صہیونی جہاز پر حملے کی اطلاع دی۔
الجزیرہ نیوز چینل کی رپورٹ کے مطابق برطانوی میری ٹائم سکیورٹی آرگنائزیشن نے منگل کی صبح اعلان کیا کہ اسے بحیرہ احمر میں آبنائے باب المندب کے قریب صہیونی جہاز پر حملے کے ایک واقعے کی رپورٹ موصول ہوئی ہے جس کی تحقیقات شروع کردی گئی ہیں۔
یہ بھی پڑھیں: غزہ جنگ میں یمنیوں کا پلڑا بھاری
دوسری جانب بعض خبری ذرائع نے یہ بھی اطلاع دی ہے کہ اس خبر میں یمن کے ساحل کے قریب آبنائے باب المندب میں صہیونی جہاز پر بحری میزائل سے حملے کی نشاندہی کی گئی ہے۔
سرکاری ذرائع نے ابھی تک اس بارے میں کوئی رپورٹ شائع نہیں کی ہے۔
المیادین نیوز چینل کو موصول ہونے والی تازہ ترین خبروں کے مطابق یمنی مسلح افواج کے ترجمان یحیی سریع نے اعلان کیا ہے کہ وہ اس واقعے کی تفصیلات کے بارے میں آنے والے گھنٹوں میں ایک اہم بیان جاری کریں گے۔
اس سے قبل یمنی مسلح افواج نے ایک بیان میں اعلان کیا تھا کہ اگر خوراک اور ادویات کی امداد غزہ تک نہیں پہنچتی ہے تو وہ صہیونی بحری جہازوں کو مقبوضہ فلسطین کی طرف جانے سے روک دے گی۔
مزید پڑھیں: صیہونی حکومت کے گلے پر انصار اللہ کی چھری
یمنی مسلح افواج نے اس بات پر زور دیا کہ موجودہ بیان کی اشاعت کے بعد سے مقبوضہ فلسطینی علاقوں کی طرف جانے والے تمام بحری جہازوں کے آبنائے باب المندب گزرنے سے روکنے کے حکم پر عمل درآمد کیا جائے گا۔
