سچ خبریں:لبنان کے بین الاقوامی تجزیہ کار اور محقق نے کیوبا نیوز ایجنسی کو انٹرویو دیتے ہوئے اس بات پر زور دیا کہ امریکی صدر جوبائیڈن کے حالیہ دورہ مشرق وسطیٰ کا مقصد واشنگٹن کی پالیسیوں کے مطابق صیہونی حکومت کی قیادت میں چین، روس اور ایران کو تنہا کرنا تھا لیکن ان کی کوشش ناکام ہوگئی۔
لبنان سے تعلق رکھنے والے بین الاقوامی تعلقات کے ماہر جمال حاکم نے پرنسا لیٹنا نیوز ایجنسی کو انٹرویو دیتے ہوئے کہا کہ واشنگٹن مختلف بہانوں اور جوازوں سے تہران کو روکنے کی کوشش کر رہا ہے اور اسے خطے میں بیجنگ اور ماسکو کے اثر و رسوخ کے لیے ایک پل سمجھتا ہے۔
لبنانی یونیورسٹی کے اس پروفیسر نے تاکید کرتے ہوئے کہا کہ بائیڈن نے یوریشیائی طاقتوں، خاص طور پر مزاحمت کے محور جس نے عراق، شام، لبنان، فلسطین اور یمن کے انصار اللہ جیسے دیگر گروہوں اور عوامی تحریک کو اکٹھا کیا ہے، ان اتحاد کی قوتوں کو الگ کرنے کی کوشش کی، تاہم وہ اپنے مقصد میں کامیاب نہیں ہو سکے۔
جمال حاکم جنھوں نے جغرافیائی سیاست پر 12 کتابیں لکھی ہیں، نے کہا کہ امریکہ کا ایک مقصد خطے میں صیہونی حکومت کی رہنمائی میں ایران کے خلاف اتحاد بنانا اور روس اور چین کے خلاف معاندانہ کارروائیوں کا اڈہ بنانا ہے، اس لبنانی تجزیہ کار نے مزید کہا کہ بائیڈن کے دورے کی ترجیح تل ابیب کو ایک نیا مشرق وسطیٰ بنانے میں امریکی پالیسیوں کے اندھے پیروکار کے طور پر پیش کرنا تھا جو بے سود ثابت ہوا۔
