سچ خبریں: امریکی صدر جوبائیڈن نے اعلان کیا کہ یوکرین میں جنگ کے خاتمے کے ساتھ ہی نیٹو کے ارکان ملک کی رکنیت کا فیصلہ کر سکتے ہیں۔
سی این این کے مطابق امریکی صدر جو بائیڈن نے ایک انٹرویو میں اعلان کیا کہ چین دنیا میں سب سے بڑی معیشت اور فوجی صلاحیت کے حامل ملک کے طور پر امریکہ کی جگہ لینے کی کوشش کر رہا ہے۔
یہ بھی پڑھیں: مشرق وسطی میں کیا ہونے جا رہا ہے؟
اس حوالے سے امریکی صدر کا کہنا تھا کہ یورپی ممالک کو چاہیے کہ وہ افریقہ اور لاطینی امریکہ کے ممالک میں سرمایہ کاری کرکے اپنا اثر و رسوخ بڑھا دیں اور اس طرح چین کے اثر و رسوخ کو روکیں۔
بائیڈن نے نیٹو میں یوکرین کی رکنیت کے بارے میں یہ بھی کہا کہ یوکرین ابھی تک نیٹو میں شامل ہونے کے لیے تیار نہیں ہے، امریکی صدر نے زور دے کر کہا کہ نیٹو کے رکن ممالک کو یوکرین کے الحاق پر غور کرنے سے پہلے یوکرین میں جنگ کے خاتمے پر توجہ دینی چاہیے۔
واضح رہے کہ امریکی قومی سلامتی کے مشیر جیک سلیوان نے اس سے قبل جمعے کو نیٹو کے رکن ممالک کے آئندہ ہفتے ہونے والے اجلاس کے بارے میں گفتگو کرتے ہوئے کہا تھا کہ یوکرین کسی بھی صورت میں نیٹو کے رکن ممالک کے گروپ میں شامل نہیں ہوگا۔
مزید پڑھیں: وہ سچ جسے بلنکن چھپا نہ سکا
یاد رہے کہ یوکرینی صدر ولادیمیر زیلینسکی اس وقت اگلے ہفتے (11 اور 12 جولائی) لیتھوانیا میں نیٹو کے ارکان کے ولنیئس اجلاس سے پہلے نیٹو میں شمولیت کے لیے حمایت حاصل کرنے کے لیے یورپی یونین کے رکن ممالک کے درمیان سفارتی رابطوں اور مشاورت کو تیز کر رہے ہیں۔
