سچ خبریں:امریکی صدر کے قومی سلامتی کے مشیر نے اعلان کیا کہ امریکی صدر انڈونیشیا میں ہونے والے گروپ 20 اجلاس کے دوران سعودی ولی عہد سے ملاقات نہیں کریں گے۔
امریکی صدر کے قومی سلامتی کے مشیر اعلان کیا کہ امریکہ سعودی عرب کے ساتھ اپنے تعلقات پر نظر ثانی کر رہا ہے اور امریکی صدر انڈونیشیا میں ہونے والے گروپ 20 کے آئندہ اجلاس کے دوران سعودی ولی عہد سے ملاقات نہیں کریں گے، خبر رساں ذرائع کے مطابق امریکی صدر جوبائیڈن کے قومی سلامتی کے مشیر جیک سلیوان نے کہا کہ سعودی عرب کے روس کے ساتھ کھڑے ہونے اور امریکی مفادات کے خلاف ہونے کے بعد جوبائیڈن ریاض کے ساتھ تعلقات پر نظر ثانی کریں گے۔
واضح رہے کہ اس وقت جبکہ امریکی صدر کو ڈیموکریٹس کی جانب سے سعودی عرب کو اسلحے کی فروخت روکنے اور سکیورٹی تعاون کو محدود کرنے کے بڑھتے ہوئے مطالبات کا سامنا ہے، سفارت کاروں اور تجزیہ کاروں کا کہنا ہے کہ بائیڈن کے پاس اس کارروائی کے لیے محدود جگہ ہوگی۔
تجزیہ کاروں کا خیال ہے کہ سعودی عرب خطے میں امریکی مفادات کے لیے انتہائی اہم ہے، جس میں اس کی جاسوسی کی سرگرمیاں اور ایران کو روکنے کی کوششیں شامل ہیں۔