ایران کے مقابلہ میں امریکہ ناکام ہو چکا ہے:امریکی سینٹر

🗓️ 3 فروری 2022

سچ خبریں:امریکی سینٹر نے ایران کے مقابلہ میں امریکہ کی شکست کا اعتراف کرتے ہوئے کہا کہ ایران کے خلاف زیادہ سےزیادہ دباؤ کی پالیسی ناکام ہوچکی ہے۔
امریکی ریاست کینیکٹیکٹ کے ڈیموکریٹ سینیٹر کریس مورفی نے امریکہ کی جانب سے ایران کے خلاف اپنائی گئی زیادہ سے زیادہ دباؤ کی پالیسی پر کڑی نکتہ چینی کرتے ہوئے اعتراف کیا کہ امریکہ کو اس طریقہ کار سے کچھ حاصل نہیں ہوا۔

واضح رہے کہ اس سے قبل جوبایڈن حکومت کے کئی عہدے دار حالیہ مہینوں کے دوران ایران کے بالمقابل بارہا حد اکثر دباؤ کی پالیسی کی شکست کا اعتراف کرتے ہوئے یہ دعویٰ کر چکے ہیں کہ وہ اس پالیسی کا خاتمہ کر کے جامع ایٹمی معاہدے میں واپسی کے خواہاں ہیں تاہم انہوں نے اب تک عملی طور پر کوئی قدم نہیں اٹھایا ہے۔

قابل ذکر ہے کہ ایران اپنے دیرینہ موقف پر قائم رہتے ہوئے بارہا یہ واضح کر چکا ہے امریکہ ہی وہ فریق تھا جو غیر قانونی اور یکطرفہ طور پر ایران کے ساتھ ہونے والے جامع ایٹمی معاہدے سے باہر نکلا اور اب اُسی کی ذمہ داری ہے کہ وہ معاہدے کے تحت ایران پر عائد پابندیوں کو ختم کرے اور اسکے بعد اسکی فیکٹ چیکنگ بھی کی جائےتب جاکر یہ معاہدہ بحال ہوسکتا ہے۔