ایران کے خلاف فوجی کارروائی ایک غلط فیصلہ تھا، تہران اب بھی طاقتور ہے

ایران کے خلاف فوجی کارروائی ایک غلط فیصلہ تھا، تہران اپنی طاقت پر قائم ہے

امریکہ کے سابق نمائندۂ خصوصی برائے امور ایران، راب مالی نے کہا ہے کہ ایران کے خلاف فوجی اقدام ایک غلط فیصلہ ثابت ہوا ہے اور اس نے نہ صرف مسائل کو حل نہیں کیا بلکہ خطے میں مزید غیر یقینی صورت حال اور خطرناک نتائج کو جنم دیا ہے۔

ایم ایس این بی سی کو دیے گئے انٹرویو میں راب مالی نے کہا کہ امریکہ اور اسرائیل کی جانب سے ایران پر ممکنہ حملے کی پالیسی ایک غلطی تھی، کیونکہ اس سے کوئی مسئلہ حل نہیں ہوا بلکہ آنے والے دنوں، ہفتوں، مہینوں اور حتیٰ کہ برسوں تک اس کے منفی اثرات کا سامنا کرنا پڑے گا۔

انہوں نے مزید کہا کہ اگر وہ ایران کے سپریم لیڈر کی جگہ ہوتے، تو وہ بھی خود کو اس نتیجے پر پہنچا سکتے تھے کہ انہیں ایٹمی ہتھیار حاصل کرنے کی ضرورت ہے۔ "آپ ایک ایسے ملک کی بات کر رہے ہیں جو واقعی اپنے قدموں پر کھڑا ہے۔

راب مالی نے ایران کے بیلسٹک میزائل پروگرام کی طرف اشارہ کرتے ہوئے کہا کہ یہ ہمیشہ ایران کی اولین ترجیحات میں شامل رہا ہے۔ تحریمیں ہوں یا نہ ہوں، ایران اپنی سکیورٹی پالیسی کے تحت یہ پروگرام جاری رکھے گا۔

ان کا کہنا تھا کہ اسرائیل کو ایک ایسے ایران کا تصور بھی ناگوار ہے جو یورپ اور شاید امریکہ کے ساتھ اقتصادی روابط بحال کرے۔