ایران افغانستان تعلقات خراب کرنے کی کوشش

?️ 13 اپریل 2022

سچ خبریں:افغانستان میں تعینات ایرانی سفیر نے کہا کہ ایران میں افغان پناہ گزینوں کے بد سلوکی پر مبنی ویڈیوز کا سوشل میڈیا پر شائع کرنا دشمن کا کام ہے جو دونوں ممالک کے تعلقات خراب کرنے کے درپے ہے۔
کابل میں تعینات ایرانی سفیر بہادر امینیان نے طلوع نیوز کو انٹرویو دیتے ہوئے کہا کہ ایران میں افغان تارکین وطن پر ظلم و ستم کی ویڈیوز اور افواہیں منافقین کے دہشت گرد گروہ کی نگرانی میں شائع کی جاتی ہیں؛ اس تنظیم سے وابستہ لوگ منظم طریقے سے ایسی ویڈیوز کی تیاری میں مصروف ہیں، ان اقدامات کا مقصد کابل اور تہران کے تعلقات میں خلل ڈالنے کا ہے۔

افغانستان میں تعینات ایرانی سفیر نے مزید کہا کہ افغان تارکین وطن کے ساتھ ناروا سلوک اسلامی جمہوریہ ایران کی پالیسی نہیں ہے اور تہران میں افغان سفارت خانہ اس وقت افغان گوررننگ باڈی کے تعاون سے کام کر رہا ہے۔

انہوں نے افغانستان میں قومی مفاہمت کی ضرورت پر زور دیا اور کہا کہ اس سے بڑے پیمانے پر مہاجرت کو روکا جائے گا،امینیان نے مزید کہا کہ ہمیں امید ہے کہ افغانستان کے مسائل حل ہو جائیں گے اور اس ملک میں قومی مفاہمت ہو گی نیز تمام عوام خود کو حکومت میں شراکت دار تصور کریں گے۔

افغانستان میں ایرانی سفیر نے مزید کہا کہ ایران اقتصادی بحران کو حل کرنے اور افغانستان کی خود کفالت کے لیے کام کرنے کے لیے افغانستان کے ساتھ مختلف شعبوں میں تعاون کے لیے تیار ہے تاکہ افغان شہری اپنا ملک چھوڑنے پر مجبور نہ ہوں۔