سچ خبریں:ایرانی مسلح افواد کے سربراہ نے ایران کے دشمنوں کو انبتاہ دیتے ہوئے کہا کہ اگر کوئی ہمارے ملک کی طرف ترچھی نظر بھی دیکھے گا تو اسے اس کی بھاری قیمت چکانا پڑے گی۔
اسلامی جمہوریہ ایران کی مسلح افواج کے سربراہ میجر جنرل سید عبدالرحیم موسوی نے کہا ہے کہ ایران کی طرف ٹیڑھی نگاہ سے دیکھنے والے کو بھاری تاوان ادا کرنا پڑےگا۔ ہم ملک کی حفاظت کے لئے جان کی بازی لگانے کے لئے آمادہ ہیں،ایرانی فوج کے سربراہ نے امام علی یونیورسٹی میں نشان فداکاری کے سلسلے میں منعقد ہونے والی تقریب کے دوران انتخابات کی اہمیت کی طرف اشارہ کرتے ہوئے کہا کہ انتخابات میں عوام کی بھر پور شرکت ملک کی ترقی ، پیشرفت، قدرت اور قوت کا موجب بنےگی، اور انتخابات کا دن ایرانی عوام کی تقدیر بدلنے کا اہم دن ہے۔
میجر جنرل موسوی نے آیت اللہ خامنہ ای کی طرف سے امام علی یونیورسٹی کی کارکردگي پر انھیں نشانہ فداکاری اور پرچم عطا کرنے پر شکریہ ادا کیا، میجر جنرل موسوی نے کہا کہ ہم ملک و قوم کی حفاظت کے لئے ہر قسم کی قربانی اور جان کی بازی لگانے کے لئے آمادہ ہیں، انھوں نے شہداء کو خراج عقیدت پیش کرتے ہوئے کہا کہ امام علی یونیورسٹی کے ایک ہزار 184 شہداء ہم پر ناظر ہیں اور ہم شہداء کے راستے پر گامزن رہیں گے۔
مہر
