سچ خبریں:ایرانی سپریم لیڈر نے کہا کہ فلسطینی مزاحمتی تحریک جہاد اسلامی سکریٹری جنرل اور ان کے ساتھ آنے والے وفد سے ملاقات کی جس میں صیہونی حکومت کا مقابلہ کرنے کے اہم اصول بیان کیے۔
ایرانی سپریم لیڈر اور اسلامی انقلاب کے رہنما نے فلسطین کی جہاد اسلامی موومنٹ کے سکریٹری جنرل زیاد النخالہ اور ان کے ہمراہ آنے والے وفد سے ملاقات میں غزہ کی حالیہ جنگ میں جہاد اسلامی کی فتح پر مبارکباد پیش کی۔
انہوں نے کہا کہ صیہونی حکومت کی موجودہ صورت حال ستر سال پہلے کے مقابلے بہت مختلف ہے جس سے یہ واضح ہوتا ہے کہ جہاد اسلامی سمیت دیگر مزاحمتی گروہوں نے صحیح طریقے سے شناخت کر لی ہے اور اس سمت میں آگے بڑھ رہے ہیں۔
ایرانی روحانی پیشوا نے اس بات پر تاکید کرتے ہوئے کہ خطرہ مول لیے بغیر عظیم اہداف کا حصول ممکن نہیں ہوگا ، مزید کہا کہ آج خدا کے فضل و کرم سے فلسطینی مزاحمتی گروہوں اور جہاد اسلامی کی طاقت اور اعتبار بڑھ رہا ہے اور اس میں روز بروز اضافہ ہورہا ہے جس کی حالیہ 5 روزہ جنگ میں صیہونی حکومت کی شکست تصدیق کرتی ہے۔
اسلامی انقلاب کے رہبر نے اشارہ کرتے ہوئے کہا کہ جہاد اسلامی نے غزہ کی حالیہ جنگ میں ایک اچھا امتحان دیا اور اس وقت صیہونی حکومت کے حالات ستر سال پہلے کے مقابلے میں بدل چکے ہیں یہی وجہ ہے کہ صیہونی لیڈر یہ کہتے نظر آرہے ہیں کہ وہ اس حکومت کو اسی سال کا ہوتا ہوں نہیں دیکھ سکیں گے۔
انہوں نے اس بات پر تاکید کرتے ہوئے کہ جہاد اسلامی اور دیگر فلسطینی مزاحمتی گروہوں نے صیہونی حکومت سے مقابلہ کرنے کی اہم کلید تلاش کر لی ہے، مزید کہا کہ مغربی کنارے میں مزاحمتی گروہوں کی بڑھتی ہوئی طاقت صیہونی دشمن کو گھٹنے ٹیکنے کی کلید ہے اور اس راستے کو آگے بڑھانا اور جاری رکھنا چاہیے.
مزید پڑھئے:غزہ کی صورتحال پورے خطے کو متاثر کرتی ہے/ مدد کرنے سے دریغ نہیں کریں گے:حسن نصراللہ
ایرانی سپریم لیڈر نے سیاسی اور عوامی میدان میں اتحاد کے لیے فلسطینی عسکری گروہوں کے اقدام کو سراہتے ہوئے اسے بہت اہم قرار دیا نیز فلسطینی عوام اور حریت پسند گروہوں کے لیے اسلامی جمہوریہ ایران کی حمایت جاری رکھنے پر تاکید کی۔
رپورٹ کے مطابق اس ملاقات میں فلسطین کی جہاد اسلامی تحریک کے سکریٹری جنرل زیاد النخالہ نے اسلامی جمہوریہ ایران کی جانب سے فلسطینی عوام کی مسلسل حمایت اور ان کی جدوجہد کو سراہتے ہوئے فلسطینیوں کی جدوجہد کے بارے میں ایک رپورٹ پیش کی۔
یہ بھی پڑھیں:اسلامی جمہوریہ ایران کی جانب سے فلسطینی عوام کی مسلسل حمایت
انہوں نے مقبوضہ فلسطین میں حالیہ صورتحال بالخصوص غزہ کی 5 روزہ جنگ میں صیہونی حکومت کی شکست اور سرحدوں پرمزاحمتی گروہوں کے مضبوط ہونے کا ذکر کرتے ہوئے کہا کہ اس جنگ سے ابھرا جہاد اسلامی کا سرخرو ہوئی اور ہم امید کرتے ہیں کہ جلد ہی حتمی فتح اور قدس شریف کی آزادی کا مشاہدہ کریں گے۔