ایران، روس اور چین کا امریکہ مخالف اتحاد:امریکی اخبار

🗓️ 4 ستمبر 2022

سچ خبریں:امریکی اخبار بلومبرگ کا کہنا ہے کہ ایران، روس اور چین نے مل کر خاموشی کے ساتھ امریکہ کے خلاف اتحاد کرنا شروع کر دیا ہے۔

امریکی اخبار بلومبرگ نے اپنی ایک تجزیاتی رپورٹ میں لکھا ہے کہ چین، روس اور ایران کی مثلث نے امریکہ کے خلاف خاموش اتحاد شروع کر دیا ہے، اس تجزیے میں کہا گیا ہے کہ امریکہ جہاں بھی دیکھتا ہے اس کے جغرافیائی سیاسی حریف مشترکہ اہداف تلاش کر رہے ہیں۔

واضح رہے کہ روس اور چین نے ماسکو کے یوکرین پر حملہ کرنے سے عین قبل لامحدود تزویراتی شراکت داری کا اعلان کیا، بلومبرگ نے دعویٰ کیا کہ ایران یوکرین جنگ کو آگے بڑھانے میں روسی صدر ولادیمیر پوتن کی مدد کر رہا ہے،اس تجزیہ میں مزید کہا گیا ہے کہ بیجنگ اور تہران کے درماین اسٹریٹجک تعلقات بھی ہیں جو کئی دہائیوں سے قائم ہیں۔

بلومبرگ نے لکھا ہے کہ اگرچہ واشنگٹن کو ابھی تک متحارب طاقتوں کے مکمل اتحاد کا سامنا نہیں ہے لیکن ان تینوں ممالک کے درمیان اتحاد کے بارے میں سوچنا غلط نہ ہو گا جو امریکہ کی دشمنی میں تیزی سے متحد ہو رہے ہیں۔

امریکی اخبار نے لکھا کہ واشنگٹن کے دنیا بھر میں درجنوں اتحادی ہیں،امریکی اتحاد میں بنیادی طور پر معاہدوں میں شامل باہمی دفاعی وعدے شامل ہیں جبکہ یہ اتحاد اکثر مشترکہ مفادات سے پیدا ہونے والی یکجہتی کے گہرے احساس سے جڑے ہوئے ہیں۔