اگر اسرائیل نےصمود بیڑے پر کارروائی کی تو جوابی کاروایی کریں گے:اسپین کا انتباہ

اگر اسرائیل نےصمود بیڑے پر کارروائی کی تو جوابی کاروایی کریں گے:اسپین کا انتباہ

اسپین کے وزیر خارجہ نے خبردار کیا ہے کہ اگر اسرائیل نے عالمی بیڑے صمود کے خلاف کوئی اقدام کیا تو میڈرڈ خاموش نہیں بیٹھے گا بلکہ عملی ردعمل دے گا۔

روسیا الیوم کے مطابق، اسپین کے وزیر خارجہ نے کہا کہ صمود بیڑے کے خلاف کوئی بھی کارروائی نہ صرف بین الاقوامی قوانین کی خلاف ورزی ہوگی بلکہ اظہارِ رائے کی آزادی پر حملہ بھی تصور کی جائے گی، جس پر اسپین سخت ردعمل دکھائے گا۔

انہوں نے مزید بتایا کہ بیڑے کی چند کشتیوں نے بارسلونا کی بندرگاہ سے روانگی اختیار کی ہے، اور یہ سرگرمی مکمل طور پر انسانی اور پُرامن نوعیت کی ہے۔ اسپین ان تمام کارکنوں اور مسافروں کی سیاسی سرپرستی کر رہا ہے جو اس مشن میں شریک ہیں۔

اسپین کے وزیر خارجہ نے اپنے ملک کے سفیر کو ہدایت کی کہ وہ تیونس کے ساحلوں پر صمود بیڑے کے خلاف حالیہ ڈرون حملے کی تحقیقات کریں۔

ادھر صمود بیڑے کے منتظمین نے بھی ایک بیان میں خبردار کیا ہے کہ اسرائیلی حکومت کے خطرناک اقدامات میں تیزی آ رہی ہے، جو اس مشن کے لیے سنجیدہ خطرہ بن سکتے ہیں۔