انسانی امداد کے حصول کے لیے لائن میں لگے مظلوم فلسطینی بھی صیہونی جارحیت کا شکار

🗓️ 29 فروری 2024

سچ خبریں: غزہ کی پٹی میں انسانی امداد کے منتظر فلسطینیوں کی لائن پر صیہونی حکومت کے وحشیانہ حملے میں درجنوں افراد شہید اور زخمی ہوگئے۔

المیادین چینل کی رپورٹ کے مطابق اسرائیلی فوج نے الرشید اسٹریٹ پر انسانی امداد کے حصول کے لیے قطار میں کھڑے درجنوں بے گناہ فلسطینیوں کو شہید کردیا۔

یہ بھی پڑھیں: غزہ میں انسانی امداد بھی نہیں پہنچ رہی ہے، وجہ؟

اس رپورٹ کے مطابق غزہ کی پٹی کے النابلسی اسکوائر میں صیہونی فوج کے نئے جرائم نے درجنوں افراد کو شہید اور زخمی کردیا ہے۔

وہ ٹرک جو اس علاقے میں انسانی امداد پہنچاتے تھے اب شہداء اور زخمیوں کی تعداد زیادہ ہونے کی وجہ سے ان مظلوم فلسطینی شہریوں کی لاشوں کو پہنچانے کا ذریعہ بن چکے ہیں۔

یہ پہلا موقع نہیں ہے کہ صیہونی حکومت نے غزہ کی پٹی میں انسانی امداد لے جانے والے ٹرکوں یا ان امداد کے انتظار میں قطاروں پر بمباری کی ہے بلکہ اس سے پہلے بھی وہ متعدد بار اس طرح کی جاحیت کا مظاہرہ کر چکے ہیں۔

مزید پڑھیں: غزہ کے لیے امدادی ٹرک پر صیہونیوں کی وحشیانہ کارروائی؛ سی این این کی رپورٹ!

یاد رہے کہ صیہونی یا تو غزہ میں انسانی امداد کو داخل ہی نہیں ہونے دیتے ہیں یا اگر کسی طرح سے یہ امداد غزہ کی پٹی میں پہنچ جاتی ہے تو اسے مظلوم فلسیطنیوں کے ہاتھوں تک نہ پہنچنے دینے کے لیے ہر طرح کی جارحیت کا ارتکاب کرتے ہیں۔