امریکی فوجی طیارے کی وینزوئلا کی فضائی حدود کی خلاف ورزی

🗓️ 24 جولائی 2021

سچ خبریں:امریکی فوجی طیارے نے فوجی مشقوں کے دوران تین منٹ تک کولمبیا کی سرحد کے قریب وینزوئلا کی فضائی حدود کی خلاف ورزی کی۔
ٹیلی ٹریڈر نیوز ایجنسی کی رپورٹ کے مطابق وینزوئلا کی وزارت دفاع کا کہنا ہے کہ امریکی فوجی طیارے نے ان کے ملک کی فضائی حدود کی خلاف ورزی کرکے اس کی علاقائی سالمیت کو خطرہ بنایا ہے،یادرہے کہ امریکی فضائیہ کا سی 17 سترہ ماسٹر کارگو طیارہ کولمبیا کی فوج کے ساتھ تربیتی مشق کے دوران سرحد عبور کر کے تین منٹ تک وینزوئلا کے صوبہ زولیا کی فضا میں اڑتا رہا۔

وینزوئلا کی وزارت دفاع نے کولمبیا میں امریکی فوجی اڈوں کی موجودگی کو خطے کےلیے مستقل خطرہ قرار دیتے ہوئے مزید کہا کہ ہم جانتے ہیں کہ فوجی مشق کے ایک حصے کے طور پر ، وینزوئلا کی جغرافیائی حدود میں جاسوسی کی کاروائیاں کی جارہی ہیں، اسی وجہ سے دیگر معاندانہ اقدامات کا امکان بھی موجود ہےجو ہماری خودمختاری اور علاقائی سالمیت کے لئے خطرہ سمجھے جاتے ہیں، ہم اس طرح کی کاروائیوں کو مسترد نہیں کرتے ہیں۔

واضح رہے کہ ڈونلڈ ٹرمپ کے عہد صدارت سے لے کراب تک امریکہ نے وینزوئلا کے خلاف مخالفانہ پالیسیاں اپنائی ہیں جن میں معاشی پابندیاں عائد کرنا اور لاطینی امریکی عوام کی روزی روٹی کو محدود کرنا بھی شامل ہے ، جبکہ بعض معاملات میں اس ملک کی فوج کو متحرک کرنے اور بغاوت پر اکسانے کی کوشش بھی دیکھنے کو ملی ہے جوا س ملک کے اندونی معاملات میں کھلی مداخلت ہے۔