امریکی سینیٹر کا دورۂ تائیوان چین کی خودمختاری کی خلاف ورزی

28 اگست 2022

سچ خبریں:چینی حکومت کے امور تائیوان دفتر کے ترجمان نے امریکی سنیٹر مارشا بلیک برن کے تائیوان کے دورے کو ایک چین کی خودمختاری اور متحد چین اصول کی خلاف ورزی قرار دیا۔

چینی حکومت کے امور تائیوان دفتر کے ترجمان نے اپنے بیان میں متنبہ کیا کہ تائیوان ان اقدامات کے ذریعہ غیر ملکی چین مخالف قوتوں کی حمایت حاصل کرنا چاہتا ہے اور آزادی کا مطالبہ کرتا ہے جسے حاصل کرنے میں وہ ناکام نظر آتا ہے۔

اس بیان کے مطابق بیجنگ حکومت نے امریکی حکام کے تائیوان کے دورے کی شدید مخالفت کا اظہار کیا ہے اور اس بات پر زور دیا ہے کہ بیجنگ اپنی خودمختاری اور ایک متحد چین کے اصول کے دفاع کے لیے کوئی بھی اقدام کر سکتا ہے،اس سے قبل چین کی وزارت خارجہ نے اعلان کیا کہ ہمیں امریکی نمائندہ مارشا بلیک برن کے تائیوان کے دورے پر افسوس ہے اور اسے سختی سے مسترد کرتے ہیں۔

چینی وزارت خارجہ کے بیان میں کہا گیا ہے ہم امریکی سیاستدانوں کو ایک چین کے اصول اور دونوں ممالک کے درمیان مشترکہ بیانات پر کاربند رہنے کی سفارش کرتے ہیں، واضح رہے اس سفر کے دوران امریکی سینیٹر بلیک برن نے تائیوان کے صدر سائی انگ وین سے ملاقات کی اور دونوں فریقوں نے آزادی اور جمہوریت جیسی اقدار کے اشتراک نیز تائیوان کی آزادی کو برقرار رکھنے کے طریقوں پر تبادلہ خیال کیا۔