امریکی اور برطانوی ہتھیاروں سے یمنیوں کو ہلاک کیا جا رہا ہے:آکسفیم

🗓️ 14 جنوری 2023

سچ خبریں:آکسفیم نے اپنی نئی رپورٹ میں اعلان کیا ہے کہ یمنی شہریوں کو ہلاک کرنے کے لیے امریکی اور برطانوی ہتھیار استعمال کیے جاتے ہیں۔

بین الاقوامی تحقیقی اور امدادی ادارے آکسفیم نے دعوی کیا ہے کہ یمن کی جنگ میں سعودی اتحاد کی جانب سے امریکی اور برطانوی ہتھیاروں کے استعمال کی وجہ سے گزشتہ سال کم از کم 87 یمنی شہری جاں بحق اور 136 دیگر زخمی ہوئے ہیں، رپورٹ میں کہا گیا ہے کہ سعودی اتحاد نے جنوری 2021 سے فروری 2022 کے آخر تک یمن میں شہریوں پر کیے گئے اپنے سینکڑوں حملوں میں صرف لندن اور واشنگٹن کے فراہم کردہ ہتھیاروں کا استعمال کیا، یاد رہے کہ امریکہ کے بعد برطانیہ سعودی عرب کو ہتھیار فراہم کرنے والا دوسرا ملک ہے جبکہ یہی ممالک ایک طرف انسانی حقوق کی دہائیاں دیتے پھرتے ہیں اور دوسری طرف بے گناہ اور معصوم بچوں کو قتل کرنے کے بے دریغ اسلحہ فراہم کر رہے ہیں۔

امریکہ اور برطانیہ کی جناب سے جارحین کو اسلحہ فراہم کرنے پر اقوام متحدہ سمیت پوری عالمی برادری نے آج تک کوئی درعمل ظاہر نہیں کیا ہے اس لیے کہ انہیں تو اپنے ڈالروں کی فکر ہے نہ بے گناہ بچوں کی ، یہی وجہ ہے یمنی عوام سعودی اتحاد کے ساتھ امریکہ سمیت متعدد مغربی ممالک کو اس ملک کے بے گناہ عوام کے قتل میں برابر کا شریک سمجھتے ہیں۔