امریکہ کی یوکرین کو قرضے کی فراہمی

🗓️ 10 مئی 2022

سچ خبریں:امریکی صدر نے یوکرین کو فوجی امداد میں تیزی لانے کے لیے کانگریس کی طرف سے دیے گئے نئے مینڈیٹ پر دستخط کردیے ہیں۔
امریکی صدر جو بائیڈن نے پیر کی شام یوکرین کو قرض دینے کی سہولت کے لیے ایک قانون پر دستخط کیے ہیں، امریکی میڈیا رپورٹس کے مطابق بائیڈن نے یوکرین کو فوجی امداد میں تیزی لانے کے لیے کانگریس کی جانب سے دیے گئے نئے مینڈیٹ پر دستخط کر دیے ہیں۔

امریکی صدر نے یوکرین لون فیسیلیٹیشن ایکٹ پر دستخط کے حوالے سے ایک ٹویٹ میں لکھا، کہ میں یوکرین کےلیے ہتھیاروں کی ترسیل کو تیز کرنے کے فیصلے پر دستخط کر رہا ہوں کیونکہ یہ اہم ہے، آر آئی اے نووستی ویب سائٹ کے مطابق امریکی کانگریس کے دونوں ایوانوں سے منظور شدہ دستاویز یوکرین کے لیے فوجی امداد کو آسان بنانے کے لیے تیار کی گئی ہے۔

خاص طور پر یوکرین کی حکومت یا دیگر مشرقی یورپی ممالک کو روسی جارحیت کا سامنا کرنے کی صورت میں یہ عارضی طور پر امریکی صدر کے دفاعی سازوسامان کو قرضہ دینے کے اختیار سے متعلق متعدد تقاضوں کو ہٹاتا ہے۔

در ایں اثنا ایسوسی ایٹڈ پریس نے اپنے ذرائع کا حوالہ دیتے ہوئے رپورٹ دی ہے کہ کانگریس میں ڈیموکریٹس یوکرین کے لیے بائیڈن کے 33 بلین ڈالر کے امدادی پیکج کو بڑھا کر 40 بلین ڈالر کرنا چاہتے ہیں۔