سچ خبریں:وائٹ ہاؤس کی قومی سلامتی کونسل مشیر نے بیجنگ کو خبردار کیا کہ اگر اس نے روس مخالف پابندیوں کو روکنے میں ماسکو کی مدد کی تو اسے یقینی طور پر اس کے نتائج کا سامنا کرنا پڑے گا۔
وائٹ ہاؤس کی قومی سلامتی کونسل کے مشیر جیک سلیوان نے بیجنگ کو خبردار کیا کہ اگر اس نے روس مخالف پابندیوں کو روکنے میں ماسکو کی مدد کی تو اسے یقینی طور پر نتائج کا سامنا کرنا پڑے گا۔
واضح رہے کہ امریکی عہدہ دار کا یہ بیان ایسے وقت میں سامنے آیا ہے جبکہ سلیوان پیر کو روم میں سینئر چینی سفارت کار یانگ جیچی سے ملاقات کرنے والے ہیں،درایں اثنا دوسری خبر میں فنانشل ٹائمز نے ایک امریکی عہدہ دار کے حوالے سے کہا ہے کہ روس نے یوکرین کے ساتھ تنازع کے آغاز کے بعد سے ہی چین سے فوجی مدد کی درخواست کی تھی۔
ادھر نیویارک ٹائمز نے ایک امریکی عہدہ دار کے حوالے سے کہا ہے کہ روس نے پابندیوں کے اثرات کا مقابلہ کرنے کے لیے چین سے اقتصادی مدد کی درخواست کی ہے جبکہ روس نے اس طرح کی امریکی الزامات کی تردید کرتے ہوئے کہا ہے کہ اس نے چین سے کسی بھی طرح کی مدد کی درخواست نہیں کی ،روس کا کہنا ہے کہ مغربی ممالک کا مقابلہ کرنے کے لیے وہ اکیلا ہی کافی ہے۔