امریکہ اپنے ہی صحن میں ایک نہ ختم ہونے والی جنگ کے دہانے پر 

سچ خبریں: واشنگٹن ایکزامنر نے اپنی ایک رپورٹ میں دعویٰ کیا ہے کہ صدر ٹرمپ منشیات کے اسمگلروں کے خلاف جنگ کے نام پر لاطینی امریکہ میں ایک غیرقانونی جنگ چھیڑ رہے ہیں۔

 اپنی دوسری مدتِ صدارت کے شروع ہونے کے نو ماہ کے اندر ہی انہوں نے مشرق وسطیٰ میں یمن اور ایران کے خلاف دو فوجی حملے بھی کرائے ہیں۔

رپورٹ میں مزید کہا گیا ہے کہ اس کے باوجود، یمنی بحیرہ احمر میں بحری جہازوں کی آمدورفت پر اپنا کنٹرول برقرار رکھے ہوئے ہیں اور ایرانی اپنے جوہری پروگرام کو آگے بڑھا رہے ہیں۔ ٹرمپ بحری جنگی جہازوں کو کیریبین سمندر میں بھیج چکے ہیں اور ان کی انتظامیہ وینزویلا کے اندر حملوں کے امکان پر غور کر رہی ہے۔ ٹرمپ کی فوجی پالیسی ان کی ماضی کی ناکامیوں کی ہی تکرار ہے اور وہ کانگریس کی منظوری کے بغیر آئین کی دھجیاں اڑا رہے ہیں۔

رپورٹ میں اس بات پر زور دیا گیا ہے کہ امریکہ اس بار اپنے ہی صحن میں ایک لامتناہی جنگ میں الجھنے کے خطرے سے دوچار ہے۔