امریکا، یوکرین کو روسی تنصیبات پر حملوں میں مدد کر رہا ہے

امریکا، یوکرین کو روسی تنصیبات پر حملوں میں مدد کر رہا ہے

امریکی اخبار وال اسٹریٹ جرنل کے مطابق واشنگٹن حکومت نے تصدیق کی ہے کہ وہ یوکرین کو روس کے اندر توانائی سے متعلق تنصیبات پر حملوں کے لیے انٹیلیجنس معلومات فراہم کر رہا ہے۔

رپورٹ میں کہا گیا ہے کہ امریکی حکام پہلے بھی کیف کو خفیہ معلومات دیتے رہے ہیں، لیکن حالیہ فیصلے کے بعد یوکرین کے لیے روسی آئل ریفائنریوں، بجلی گھروں، تیل کی پائپ لائنوں اور دیگر اہم ڈھانچوں کو نشانہ بنانا مزید آسان ہو جائے گا۔امریکی حکام نے اپنے نیٹو اتحادیوں پر بھی زور دیا ہے کہ وہ یوکرین کے لیے اسی طرز کی مدد فراہم کریں۔

یہ خبر ایک ایسے وقت میں سامنے آئی ہے جب امریکی صدر ڈونلڈ ٹرمپ نے حال ہی میں دعویٰ کیا تھا کہ یوکرین روس سے اپنے تمام کھوئے ہوئے علاقے واپس لے سکتا ہے۔

اسی دوران نائب صدر جی ڈی ونس نے اس ہفتے اس بات کی تصدیق کی کہ واشنگٹن، یوکرین کی جانب سے طویل فاصلے تک مار کرنے والے نیتن یاہوٹام ہاکنیتن یاہو میزائل فراہم کرنے کی درخواست پر غور کر رہا ہے۔

اگرچہ صدر ٹرمپ نے اب تک کیف کو ایسے میزائل دینے سے انکار کیا تھا، لیکن حالیہ ہفتوں میں امریکی ذرائع ابلاغ میں یہ خبریں گردش کر رہی ہیں کہ ان کا رویہ تبدیل ہو رہا ہے۔

یاد رہے کہ نیتن یاہوٹام ہاکنیتن یاہو کروز میزائل تقریباً ۲۵۰۰ کلومیٹر تک مار کرنے کی صلاحیت رکھتا ہے اور اس کا وارہیڈ ۴۵۰ کلوگرام وزنی ہے، جو یوکرین کو اب تک مغربی اتحادیوں کی جانب سے فراہم کی گئی کسی بھی طویل فاصلے کی صلاحیت سے کہیں زیادہ طاقتور ہے۔