القدس بٹالین کی صہیونی فوجی چوکی پر فائرنگ

?️ 29 اپریل 2023

سچ خبریں:القدس بریگیڈز نے اعلان کیا کہ انہوں نے نابلس شہر میں صہیونی فوج کی چوکی کو نشانہ بنایا۔

القدس بریگیڈز کا کہنا ہے کہ ان کی ملحقہ فورسز نابلس کے علاقے جرزم میں صہیونی فوج کی چوکی پر گولہ باری کرنے میں کامیاب ہرہیں،اس رپورٹ کے مطابق القدس بٹالین نے تاکید کی ہے کہ یہ فورسز مقامی وقت کے مطابق جمعے کی صبح تین بجے صہیونی فوجی کی چوکی کو نشانہ بنانے میں کامیاب ہوئیں اور بحفاظت اپنے ہیڈ کوارٹر کی طرف لوٹ گئیں۔

یاد رہے کہ صیہونی میڈیا نے اعلان کیا کہ صہیونی فوجیوں نے ایک نوجوان فلسطینی کو گولی مار کر یہ دعویٰ کیا کہ وہ ان پر ٹھنڈے ہتھیار سے حملہ کرنے کا منصوبہ بنا رہا تھا ، تاہم انہوں نے اسے ہلاک کر دیا۔

قابل ذکر ہے کہ سوشل میڈیا میں شائع ہونے والی ویڈیوز میں دیکھا جا سکتا ہے کہ ایک صہیونی فوجی اس نوجوان فلسطینی کو گاڑی سے باہر نکلنے کو کہتا ہے اور باہر نکلنے کے فوراً بعد صریح جرم میں اس پر گولی چلا کر اسے قتل کر دیتا ہے۔

فلسطینی مزاحمتی گروہوں نے مغربی کنارے میں واقع قصبے سلفیت کے مغرب میں واقع گاؤں حارس میں اس فلسطینی نوجوان احمد یعقوب طہ کی شہادت پر ردعمل کا اظہار کیا، اسلامی مزاحمتی تحریک حماس نے تاکید کی ہے کہ فلسطینی قوم کی مزاحمت پوری شدت اور استقامت کے ساتھ جاری رہے گی تاکہ فلسطینی سرزمین کی آزادی ، مقدس مقامات کی حفاظت، اسرائیلی جیلوں سے فلسطینی قیدیوں کی رہائی اور پناہ گزینوں کی واپسی کے قومی اہداف حاصل کیے جا سکیں۔