افغانستان میں دہشت گردی کے خطرات اب بھی موجود ہیں:اقوم متحدہ میں ایران کی نائب سفیر

?️ 5 مارچ 2022

سچ خبریں:اقوام متحدہ میں ایران کی نائب سفیر نے افغانستان کے اثاثوں کی آزادی پر زور دیتے ہوئے کہا کہ اس ملک میں دہشت گردی اب بھی ایک بڑا چیلنج ہے۔
اقوام متحدہ میں ایران کی نائب سفیر زهرہ ارشادی نے امریکہ کی جانب سے افغانستان کے ضبط کیے گئے اثاثوں کا ذکر کرتےہوئے کہاکہ ان اثاثوں کی رہائی جو افغانستان کی معیشت کی بحالی اوراس ملک کے لوگوں کی زندگیوں کو بچانے کے لیے بہت ضروری ہے، کو سیاسی ہتھیار کے طور پراستعمال نہیں کیا جانا چاہیے۔

انہوں نے افغانستان کے بارے میں اقوام متحدہ کے سکریٹری جنرل کی حالیہ رپورٹ کا حوالہ دیتے ہوئے کہاکہ اس ملک میں دہشت گردی اب بھی ایک بڑا چیلنج ہےجبکہ داعش سے منسلک دہشت گرد گروہوں کے حملے تیز ہو چکے ہیں جو کابل اور مشرقی افغانستان سے باہربھی پھیل چکے ہیں۔

ارشادی نے افغانستان کی صورت حال کے علاقائی سلامتی اور استحکام پر ممکنہ تباہ کن نتائج کے سلسلہ میں تشویش کا اظہار کرتے ہوئے کہا کہ اگر مؤثر طریقے سے اس مسئلہ پر توجہ نہ دی گئی تو افغانستان کی سماجی و اقتصادی تباہی بڑے پیمانے پر غربت اور ہمسایہ ممالک میں مہاجرین کی آمد کا باعث بن سکتی ہے۔

اقوام متحدہ میں ایران کی نائب سفیر نےعالمی برادری سےبھی مطالبہ کیا کہ وہ افغانستان کے پڑوسیوں کے تئیں اپنی ذمہ داری پوری کرے اور پناہ گزینوں کی مدد کرے۔