اسرائیل کے خلاف ایرانی حملے کے بارے میں چینی میڈیا کا اظہار خیال

?️ 14 اپریل 2024

سچ خبریں: چین کے گلوبل ٹائمز اخبار نے صیہونی حکومت کے خلاف ایران کے فوجی ردعمل کو حساب کتاب کے مطابق اور اسٹریٹجک قرار دیتے ہوئے کہا ہے کہ میزائل اور ڈرونز نے مقررہ اہداف کو درست طریقے سے نشانہ بنایا۔

دمشق میں ایران کے قونصل خانے پر صیہونی حکومت کی حالیہ جارحیت کے خلاف ایران کی سپاہ پاسداران انقلاب اسلامی کے فوجی ردعمل کے خاتمے کے بعد عالمی میڈیا نے ایران کے جوابی حملوں کے پیمانے پر ردعمل کا اظہار کیا۔

یہ بھی پڑھیں: اسرائیل ایران کے خلاف فوجی حملے کی غلط فہمی میں نہ رہے:صیہونی اخبار

الجزیرہ نیوز چینل نے اتوار کی صبح ایران کے تأدیبی حملوں پر چین کے سرکاری اخبار کے رد عمل کی طرف توجہ دلائی اور چین کے سرکاری میڈیا کی طرف سے اسرائیل پر حملے میں ایران کے ہوشیاری اور تزویراتی حملوں کی تعریف کی خبر دی۔

اس رپورٹ کی بنیاد پر چین کے سرکاری اخبار گلوبل ٹائمز نے دمشق میں ایرانی قونصل خانے پر اسرائیل کے حالیہ حملے پر ایران کے میزائل اور ڈرون ردعمل کا تجزیہ کرتے ہوئے لکھا کہ ایران نے اپنی حکمت عملی کے ساتھ جواب میں اسرائیل کے خلاف میزائل اور ڈرون فائر کرکے فوجی اہداف کو کامیابی سے نشانہ بنایا اور انہیں تباہ کر دیا۔

واضح رہے کہ اس سے قبل اسلامی جمہوریہ کی وزارت خارجہ نے 13 اپریل بروز پیر کی شام دمشق میں اسلامی جمہوریہ ایران کے سفارت خانے کے قونصلر سیکشن کی عمارت پر میزائل حملے کی مذمت کی تھی۔

مزید پڑھیں:ایران کا اسرائیلی اقدامات کے خلاف جوابی کارروائی کا حق محفوظ ہے: ایکسپریس

ایرانی وزارت خارجہ نے سخت الفاظ میں اعلان کیا کہ اسلامی جمہوریہ ایران کو بین الاقوامی قوانین اور اقوام متحدہ کے چارٹر کے مطابق اس طرح کی دہشت گردانہ کاروائیوں کا فیصلہ کن جواب دینے کا حق حاصل ہے۔