اسرائیل منظم جرائم کے بھنور میں پھنس چکا ہے:عبرانی میڈیا

?️ 3 اگست 2022

سچ خبریں:صیہونی کثیر الاشاعت اخبار نے صہیونی معاشرے کے ڈھانچے میں منظم جرائم کے وسیع پیمانے پر پھیلاؤ کے سلسلہ میں بات کرتے ہوئے اس پر تشویش کا اظہار کیا۔
عربی میڈیا نے صیہونی اخبار معاریو کی کی رپورٹ کا حوالہ دیتے ہوئے لکھا ہے کہ اسرائیل کے سرکاری ڈھانچے نے اپنے معاشرے میں منظم جرائم کے بڑھتے ہوئے پھیلاؤ پر آنکھیں بند کر رکھی ہیں، کالم میں اوریل لین نے زور دے کر کہا کہ اس حقیقت کے باوجود کہ ہم سرکاری ملازمین بشمول ریسکیو اور میڈیکل فورسز حتیٰ کہ ہسپتال کے محافظوں کے خلاف بڑھتے ہوئے تشدد کے مخالف ہیں نیز اس حقیقت کے باوجود کہ یہ تمام کارروائیاں سرکٹ کیمرے کے ذریعے ریکارڈ کی گئی ہیں، لیکن سرکاری ڈھانچہ اس کے سامنے ابھی تک خاموش ہے۔

رپورٹ کے ایک اور حصے میں اس بات پر زور دیا گیا ہے کہ اسرائیل میں تشدد نے وقت کے ساتھ ساتھ اسرائیل کے پورے ڈھانچے کو گھیرے میں لے لیا ہے کیونکہ 2022 کے آغاز سے لے کر آج تک 40 فیصد بس ڈرائیور تشدد کا شکار ہوئے اور ان کے خلاف مار پیٹ کے 300 مقدمات درج ہوئے۔

یہ بھی ریکارڈ کیا گیا کہ اساتذہ اپنے بچوں کی ناکامی پر ناراض ہونے والے والدین کے سامنے غیر محفوظ حالت کا شکار ہیں اور ان کے حملوں کا نشانہ بن رہے ہیں، جب کہ اساتذہ کے خلاف ایسی کارروائیوں کا دائرہ طلباء تک بڑھ چکا ہے۔