اسرائیل حماس کے مقابلہ میں بے بس:صیہونی اخبار

?️ 23 مئی 2022

سچ خبریں:حالیہ مہینوں میں سامنے آنے والے صورتحال نے ظاہر کیا ہے کہ اسرائیلی سیاسی اور فوجی حکام حماس کے مقابلے میں کمزور ہیں۔
صیہونی اخبارمعاریو کی رپورٹ کے مطابق اسرائیل غزہ میں حماس کی تحریک کے خلاف بے بس ہے جو اپنی طاقت میں روز بروز اضافہ کر رہی ہے، رپورٹ میں کہا گیا ہے کہ ہم حماس کو روکنے میں کامیاب نہیں ہو سکے، اگرچہ ہم نے ہر کارروائی میں حماس کو تباہ کرنے کی کوشش کی ہے لیکن فلسطینی تحریک کو کوئی نقصان نہیں پہنچا۔

فلسطینی مزاحمتی تحریک کی طاقت کا اعتراف کرتے ہوئے، معاریو نے نے لکھا کہ مختلف جنگوں اور تنازعات کے باوجود حماس ایک بار پھر مزاحمت کی طرف بڑھ رہی ہے، جس کی وجہ سے تل ابیب حماس کے سامنے گھٹنے ٹیکنے پر مجبور ہوا ہے۔

اخبار نے لکھا ہے کہ جب سے حماس نے 2007 میں غزہ کی پٹی کا کنٹرول سنبھالا ہے، ہمارے عسکری اور سیاسی رہنما گزشتہ 15 سالوں سے اس تحریک کا مقابلہ کرنے میں بے بس ہیں اس لیے کہ اسرائیلی فوج کی مزاحمتی طاقت ختم ہو چکی ہے

رپورٹ کے آخر میں آیا ہے کہ حماس یحییٰ السنوار (غزہ میں حماس کے سیاسی دفتر کے سربراہ) یا محمد الضیف (قسام کے کمانڈر) میں محدود نہیں ہے کہ انہیں ختم کر کے ختم کر دیا جائے، بلکہ حماس ایک نظریاتی سوچ ہے کہ اسرائیل نے ابھی تک اس مسئلے کو نہیں سمجھا اور اس نقطہ نظر سے حماس کا مقابلہ نہیں کیا۔