اسرائیل حماس سے ہار چکا ہے: صیہونی تھنک ٹینک

?️ 26 مئی 2022

سچ خبریں:ایک صیہونی تھنک ٹینک نے اپنی ایک نئی رپورٹ میں اعتراف کیا ہے کہ حکومت فلسطینی اسلامی مزاحمتی تحریک (حماس) کے بیانیہ کی جنگ ہار چکی ہے۔
اسرائیل نیشنل (انٹرنل) سیکورٹی انسٹی ٹیوٹ نے جنگ کے میدان میں حماس کی کوششوں کے بارے میں "ہائیر ویژن” کے عنوان سے اپنی سلسلہ وار رپورٹس میں لکھا ہے کہ فلسطینی تحریک "شعور اور بیانیہ” کی جنگ کے ذریعے اسرائیلیوں کو شکست دینے کی کوشش کر رہی ہے۔

رپورٹ میں کہا گیا ہے کہ حالیہ برسوں میں خاص طور پر مقبوضہ علاقوں اور مغربی کنارے میں حالیہ کارروائیوں میں حماس نے خود کو یروشلم کے حامی کے طور پر پیش کرنے کی کوشش کی ہے اور اسرائیل کو زمینی لڑائی میں شکست دی ہےاور حماس کے اپنے بیانیے پر پہنچنے والے نقصان کو پورا کرنے میں تل ابیب کو مشکلات کا سامنا کرنا پڑا ہے۔

گویا صیہونی حکومت فلسطینی عوام اور صیہونیوں دونوں کو اپنی فوجی طاقت سمجھانے میں ناکام رہی ہے،رپورٹ کے مطابق حماس کی قیادت میں مزاحمتی گروپ بھی گزشتہ سال کی جنگ کو دی گارڈین آف فائر کے خلاف سیف القدس کا نام دینے میں کامیاب رہے ہیں اور قدس کے لیے اپنی حمایت ظاہر کرنے نیز مغربی کنارے اور قدس میں فلسطینیوں پر اثر انداز ہونے میں کامیاب رہے ہیں۔