اسرائیل اور ایران کے درمیان جنگ ختم ہونی چاہیے: ٹرمپ

سچ خبریں: امریکی صدر ڈونلڈ ٹرمپ نے صہیونی ریاست کی ایران کے خلاف جارحیت کے حوالے سے اپنے تازہ موقف میں کہا ہے کہ اسرائیل اور ایران کے درمیان جنگ کو ختم ہونا چاہیے۔

ٹرمپ نے سوشل میڈیا پلیٹ فارم "سوشل ٹرتھ” پر روسی صدر ولادی میر پیوٹن کے ساتھ ہونے والی فون کال کا حوالہ دیتے ہوئے لکھا کہ وہ بھی میرے ہی خیال میں ہے کہ اسرائیل اور ایران کے درمیان جنگ ختم ہونی چاہیے۔

ٹرمپ کے یہ بیان ایک ایسے وقت میں سامنے آئے ہیں جب صہیونی ریاست کے ایران پر حملے کے آغاز پر انہوں نے اسرائیل کی حمایت کا اعلان کیا تھا۔ لیکن گزشتہ رات ہونے والے ایران کے زبردست جوابی حملوں کے بعد، جس میں 3 صہیونی ہلاک اور 200 زخمی ہوئے، ٹرمپ نے اپنا موقف تبدیل کرتے ہوئے جنگ بندی کا مطالبہ کر دیا ہے۔

امریکی صدر نے مزید کہا کہ صدر پیوٹن نے آج صبح مجھے فون کیا اور انتہائی دوستانہ انداز میں میری سالگرہ کی مبارکباد دی، لیکن اس سے بھی اہم بات یہ تھی کہ انہوں نے ایران کے بارے میں بات کی، ایک ایسا ملک جسے وہ اچھی طرح جانتے ہیں۔

انہوں نے کہا کہ میں نے پوتن کے ساتھ ایک تفصیلی گفتگو کی، جس میں روس اور یوکرین پر کم وقت صرف ہوا، لیکن وہ معاملہ اگلے ہفتے کے لیے اٹھا رکھا گیا ہے۔

ٹرمپ نے یوکرین اور روس کے درمیان قیدیوں کے تبادلے پر بھی بات چیت کا ذکر کرتے ہوئے کہا کہ پیوٹن ایک منصوبہ بند قیدی تبادلے پر کام کر رہے ہیں، جس کے تحت دونوں اطراف کے متعدد قیدیوں کو فوری طور پر رہا کیا جائے گا۔

انہوں نے بتایا کہ یہ کال تقریباً ایک گھنٹے تک جاری رہی، اور کہا کہ وہ بھی میرے ہی خیال میں ہے کہ اسرائیل اور ایران کے درمیان جنگ ختم ہونی چاہیے، میں نے انہیں یہ بھی واضح کیا کہ ان کی اپنی جنگ (روس-یوکرین) کو بھی ختم ہونا چاہیے۔