?️
سچ خبریں:شام کی وزارت خارجہ نے ایک بیان جاری کر کے تاکید کی ہے کہ شام اور فلسطین کے خلاف صیہونی حکومت کے جرائم امریکی حکومت کی حمایت سے ہو رہے ہیں۔
سانا نیوز ایجنسی کی رپورٹ کے مطابق شام کی وزارت خارجہ نے ایک بیان جاری کرتے ہوئے اعلان کیا ہے کہ صیہونی حکومت کی معاندانہ پالیسیاں خطے کے حالات کو خراب کرنے اور اس میں سلامتی اور استحکام کی بحالی کے لیے موجودہ سفارتی راستے میں روڑے اٹکانے کی ناکام کوشش ہے۔
اس بیان میں کہا گیا ہے کہ اگر صیہونی حکومت کو امریکی حمایت نہ ہوتی تو یہ حکومت اپنے جرائم کو جاری رکھ کر سزا اور آزمائش کے بوجھ سے بچ نہیں سکتی تھی، انہوں نے کہا کہ صیہونی بنیاد پرست کابینہ مقبوضہ علاقوں میں جاری اندرونی بحرانوں کے ساتھ ساتھ فلسطینی قیدیوں کے خلاف اپنے جرائم پر پردہ ڈالنے کی کوششیں جاری رکھے ہوئے ہے۔
بیان میں آیا ہے کہ یہ حکومت انسانیت کے خلاف جرائم اور بین الاقوامی قوانین کی خلاف ورزی کے سائے میں کشیدگی بڑھانے کی کوشش کر رہی ہے، بیان میں تاکید کی گئی ہے کہ ہم نے حلب کے بین الاقوامی ہوائی اڈے اور اس شہر کے اطراف کے متعدد علاقوں پر صیہونی دشمن کے حملوں کا مشاہدہ کیا جس میں ایک شامی فوجی کی شہادت اور سات دیگر زخمی ہوئے۔
صہیونی دشمن کی یہ مخاصمانہ پالیسیاں اس خطے کو پیچھے ڈھکلینے اور پہلے سے مردہ منصوبوں کو زندہ کرنے کے لیے اپنائی جاتی ہیں، شام کی وزارت خارجہ نے مزید کہا کہ شام میں ہوائی اڈوں، بندرگاہوں نیز سائنسی اور ثقافتی مراکز سمیت اہم تنصیبات پر صیہونی حکومت کے حملے امریکی حکومت کی حمایت سے کیے جاتے ہیں۔
یاد رہے کہ شامی وزارت خارجہ نے صیہونی حکومت کے ان حملوں کی مذمت کرتے ہوئے عالمی اداروں بالخصوص اقوام متحدہ سے مطالبہ کیا کہ وہ اپنی خاموشی ختم کریں اور صیہونی جرائم کے حوالے سے اپنی ذمہ داریاں پوری کریں ، یاد رہے کہ صیہونی حکومت نے شام کے حلب کے ہوائی اڈے پر بمباری کرنے اور اس ہوائی اڈے کو کام بند ہونے کا باعث ہونے کے علاوہ گذشتہ رات غزہ کی پٹی کے مختلف علاقوں پر بھی بمباری کی۔
مشہور خبریں۔
امریکی عہدیدار کا ضمیر بیدار ہوگیا پر عرب حکمرانوں کا نہیں
?️ 21 اکتوبر 2023سچ خبریں: امریکی محکمہ خارجہ کے ایک عہدیدار نے اسرائیل کے لیے
اکتوبر
جسٹس ملک شہزاد احمد خان نے چیف جسٹس لاہور ہائی کورٹ کے عہدے کا حلف اٹھالیا
?️ 8 مارچ 2024لاہور: (سچ خبریں) جسٹس ملک شہزاد احمد خان نے چیف جسٹس لاہور
مارچ
عمان میں امام بارگاہ پر حملہ کرنے والے کون لوگ تھے؟
?️ 18 جولائی 2024سچ خبریں: عمان میں پاکستان کے سفیر عمران علی نے دعویٰ کیا
جولائی
عالمی بینک کا ذیلی ادارہ ریکوڈک منصوبے کیلئے 30 کروڑ ڈالر فراہم کرے گا
?️ 11 اپریل 2025اسلام آباد: (سچ خبریں) عالمی بینک کا نجی سرمایہ کاری ونگ، انٹرنیشنل
اپریل
الیکشن کمیشن کا عام انتخابات جنوری کے آخری ہفتے میں کرانے کا اعلان
?️ 21 ستمبر 2023اسلام آباد: (سچ خبریں) الیکشن کمیشن آف پاکستان نے اہم اعلان کرتے
ستمبر
جنوبی پنجاب کے الیکٹیبلز کا درست سیاسی قدم اٹھانے کیلئے مختلف آپشنز پر غور
?️ 9 جنوری 2023اسلام آباد:(سچ خبریں) ملک بھر میں سیاسی لابنگ کا مرکزیت اختیار کر
جنوری
سیلاب سے تباہی کی وجہ سے سندھ بھر کو آفت زدہ قرار دینا ہوگا، وزیر اعلیٰ سندھ
?️ 21 اگست 2022 سانگھڑ: (سچ خبریں)وزیر اعلیٰ سندھ سید مراد علی شاہ نے صوبے
اگست
حزب اللہ کے میزائل نے پہلی بار بن گورین کو نشانہ بنایا
?️ 7 نومبر 2024سچ خبریں: صیہونی حکومت کا میڈیا جنگ کے آغاز کے بعد پہلی
نومبر