اسرائیلی پولیس میں جنسی اسکینڈل کا پردہ فاش

سچ خبریں: یدیعوت آحارانوت اخبار نے انکشاف کیا ہے کہ صہیونی حکومت کے عدالتی ادارے نے اس کی پولیس فورسز میں جنسی اسکینڈل کے حوالے سے تحقیقات شروع کر دی ہیں۔

رپورٹ کے مطابق، صہیونی حکومت کے ایک پولیس اہلکار نے گزشتہ اتوار کو اپنی ہی ساتھی پولیس اہلکار کو اس کے اپارٹمنٹ میں قید کر کے اس کے ساتھ زیادتی کی۔

یہ مقبوضہ علاقوں میں جنسی اسکینڈل کا پہلا کیس نہیں ہے، اس سے قبل بھی امریکہ میں نوواڈا حکام نے، ٹام آرٹیوم کو گرفتار کیا تھا، جو صہیونی حکومت کی کابینہ کے انفارمیشن اور مصنوعی ذہانت کے شعبے کے سربراہ اور بنیامن نیتن یاہو کے قریبی سمجھے جاتے ہیں، ان پر انٹرنیٹ کے ذریعے ایک امریکی بچے کو دھوکہ دینے اور لاس ویگاس ریاست میں اس کے ساتھ زیادتی کا الزام تھا۔

اس کے علاوہ، صہیونی حکومت کے ٹیلی ویژن چینل 12 کی جانب سے شائع کردہ وسیع تحقیقات سے پتہ چلتا ہے کہ اس حکومت کے مشہور ربی، حاییم یوسف ڈیوڈ نے متعدد اسرائیلی خواتین کے ساتھ زیادتی کی ہے۔

اس مشہور ربی کے متاثرین نے زور دے کر کہا ہے کہ وہ اپنی زندگیوں کو بہتر بنانے کے لیے ان سے مشورہ اور رہنمائی لینے گئی تھیں، لیکن ان کے ساتھ زیادتی کی گئی۔