اسرائیلی قیدیوں کے حوالے سے ٹرمپ کے بیان پر حماس کا ردعمل

 اسرائیلی قیدیوں کے حوالے سے ٹرمپ کے بیان پر حماس کا ردعمل

حماس کے ایک سینئر رہنما عزت الرشق نے امریکی صدر ڈونلڈ ٹرمپ کے حالیہ بیان پر ردعمل ظاہر کرتے ہوئے کہا کہ ٹرمپ نے مطالبہ کیا ہے کہ حماس تمام 20 اسرائیلی قیدی فوراً آزاد کرے، نہ کہ چند قیدی۔ انہوں نے کہا کہ اس صورت میں صورتحال میں فوری تبدیلی آ سکتی ہے۔

عزت الرشق نے مزید کہا کہ حماس نے 18 اگست کو امریکی خصوصی ایلچی سٹیو وٹکاف کے ذریعے پیش کیے گئے ثالثی منصوبے پر اتفاق کیا تھا، تاہم اسرائیلی وزیراعظم بنیامین نیتن یاہو نے اب تک اس پر کوئی جواب نہیں دیا۔

حماس کے رہنما نے کہا کہ وہ قیدیوں کے تبادلے کے جامع معاہدے کے لیے بھی تیار ہیں، جس کے تحت اسرائیلی قیدیوں کی رہائی کے بدلے فلسطینی قیدیوں کو آزاد کیا جائے گا اور اس سے غزہ میں جنگ رک سکتی ہے اور قابض فوج پیچھے ہٹ سکتی ہے۔

عزت الرشق نے نتیجہ اخذ کیا کہ قیدیوں کے تبادلے اور آتش بس کی راہ میں سب سے بڑی رکاوٹ نیتن یاہو ہیں اور وہ لامحدود جنگ چاہتے ہیں۔

یہ بیانات ایسے وقت سامنے آئے ہیں جب ٹرمپ نے اپنے سوشل میڈیا پیغام میں حماس سے مطالبہ کیا کہ وہ تمام 20 اسرائیلی قیدی فوری طور پر آزاد کرے۔

ادھر غزہ میں قابض اسرائیلی افواج کی وحشیانہ کارروائیاں جاری ہیں، جن میں نہ صرف شہری بلکہ بچے بھی ہلاک ہو رہے ہیں۔ فلسطینی ذرائع کے مطابق، حالیہ حملوں میں کئی افراد زخمی اور 85 سے زائد افراد جاں بحق ہو چکے ہیں، جبکہ قحط اور غذائی قلت کے باعث ہلاکتوں کی تعداد میں بھی اضافہ ہو رہا ہے۔