اردوغان کا اسرائیل پر زور،جارحانہ پالیسیاں بند کریں اور معاہدے کی پاسداری کریں

اردوغان کا اسرائیل پر زور، جارحانہ پالیسیاں بند کریں اور معاہدے کی پاسداری کریں

 رجب طیب اردوغان، صدر ترکی نے کہا ہے کہ اسرائیل کو اپنے دستخط شدہ معاہدے کی پابندی کرنی چاہیے اور اپنی جارحانہ پالیسیاں فوری طور پر بند کرنی چاہئیں۔

الجزیرہ کے مطابق، اردوغان نے ہفتہ کے روز کہا کہ دو سال کے خونریز اور تباہ کن اقدامات کے بعد، غزہ کے عوام کے چہروں پر پہلی بار مسکراہٹ دیکھی جا رہی ہے۔ انہوں نے زور دیا کہ انسانی ہمدردی کی بنیاد پر امداد کی ترسیل میں کوئی رکاوٹ نہیں ہونی چاہیے۔

صدر ترکی نے مزید کہا کہ دو ریاستی حل علاقے میں پائیدار امن کی کلید ہے اور ترکی منصفانہ امن کے قیام کے لیے ہر ممکن کوشش جاری رکھے گا۔ اردوغان نے واضح کیا کہ ترکی فلسطینی عوام کے ساتھ کھڑا ہے، جو دو سال سے جاری مظالم اور ناانصافی کا شکار ہیں۔انہوں نے کہا ہم ہر اس کوشش کی مکمل حمایت کرتے ہیں جو غزہ میں جاری قتل عام اور نسل کشی کو روکنے کے لیے کی جا رہی ہے۔