احتجاج کی نئی لہر آنے والی ہے

?️ 4 جون 2023

سچ خبریں:فرانسیسی میڈیا رپورٹس اگلے منگل کو اس ملک میں ریٹائرمنٹ کی عمر میں اضافے کے خلاف مظاہروں کی ایک نئی لہر کے آغاز کی نشاندہی کرتی ہیں۔

روزنامہ اخبار لوفیگارو کی رپورٹ کے مطابق منگل (6 جون) کو فرانس میں پنشن قانون میں اصلاحات کے خلاف مظاہروں میں تقریباً 600000 افراد کے سڑکوں پر آنے کی توقع ہے۔

اس اخبار کی رپورٹ کے مطابق فرانس کے حکام ملک بھر میں مظاہرین کے درمیان پرتشدد واقعات اور جھڑپوں کے پیش نظر پریشان ہیں اس لیے کہ فرانس بھر میں 250 مظاہرے ہونے والے ہیں۔

لوفیگارو کی رپورٹ میں کہا گیا ہے کہ فرانس کے دارالحکومت پیرس میں ہونے والے مظاہروں میں تقریباً 70000 افراد شرکت کر سکتے ہیں،کہا جاتا ہے کہ اس مظاہرے کا راستہ اطالوی چوک کی طرف ہے اور اس راستے پر روٹنڈ ریسٹورنٹ بھی ہے جہاں فرانسیسی صدر ایمانوئل میکرون نے اپنی جیت کا جشن منایا تھا۔

گزشتہ مظاہروں کے دوران فرانسیسی عوام نے اس ریسٹورنٹ کو آگ لگا دی تھی،فرانسیسی پولیس نے اعلان کیا ہے کہ اس مظاہرے کے راستے پر قابو پانا مشکل نظر آتا ہے۔

یاد رہے کہ ریٹائرمنٹ کی عمر میں اضافے کے قانون کے خلاف فرانس میں یہ 14 واں مظاہرہ ہے،یہ مظاہرے عام طور پر ریٹائرمنٹ کی عمر کو 62 سے بڑھا کر 64 سال کرنے سے متعلق شق کے خلاف ہوتے ہیں۔