آسٹریلیا کے فلسطینی ریاست کو تسلیم کرنے کے خوف سے صیہونی پریشان

?️ 20 اکتوبر 2022

سچ خبریں:آسٹریلیا کی جانب سے مقبوضہ بیت المقدس کو اسرائیلی حکومت کا دارالحکومت تسلیم کرنے سے دستبرداری کے بعد تل ابیب کو خدشہ ہے کہ کینبرا ایک قدم آگے بڑھ کر فلسطینی ریاست کو تسلیم کر لے گا۔

ٹائمز آف اسرائیل نے ایک صہیونی عہدہ دار کے حوالے سے خبر دی ہے کہ اسرائیلی وزیر اعظم یائر لاپڈ نے مقبوضہ بیت المقدس کو اسرائیلی حکومت کا دارالحکومت تسلیم نہ کرنے کے آسٹریلیا کے فیصلے کو تنقید کا نشانہ بنایا اور صیہونی وزارت خارجہ سے کہا کہ وہ آسٹریلوی سفیر کو طلب کرے اور اس کی سرزنش کرے نیز اسے یاد دلائے کہ یہ ایک نامناسب فیصلہ ہے۔

ٹائمز آف اسرائیل کی ویب سائٹ نے بدھ کے روز اپنی رپورٹ میں یائر لاپڈ کے شدید ردعمل کا تجزیہ کرتے ہوئے لکھا ہے کہ صیہونی حکومت کو آسٹریلیا کی بائیں بازو کی حکومت سے خوف ہے کہ شاید وہ فلسطین کی ریاست کو تسلیم کر لے۔ صیہونی حکومت کے سینئر سفارت کاروں میں سے ایک نے وای نیٹ نیوز سائٹ کو انٹرویو دیتے ہوئے کہا ہے کہ صیہونی حکومت کی سب سے بڑی پریشانی آسٹریلیا کی طرف سے فلسطین کی ریاست کو تسلیم کرنے کا خوف ہے۔

اس سابق صہیونی سفارت کار کا کہنا تھا کہ ہمیشہ آسٹریلیا والوں ہمیں دھوکہ دیا ہے،تاہم فلسطینی ریاست کو تسلیم کرنے سے سب سے زیادہ نقصان ہوگا جبکہ مجھے امید ہے کہ یہ عمل نہیں ہوگا۔