آبنائے ہرمز پر ایران کا اختیار

سچ خبریں: خبر رساں ادارے ایسوسی ایٹڈ پریس نے دعویٰ کیا ہے کہ ایران نے آبنائے ہرمز میں بحری جہازوں کی آمدورفت کو متاثر کرنے کی اہلیت کے ذریعے مذاکرات میں دباؤ ڈالنے کا ایک نیا آلۂ کار حاصل کر لیا ہے۔

رپورٹ میں آبنائے ہرمز کی اسٹریٹجک اہمیت پر روشنی ڈالتے ہوئے کہا گیا ہے کہ یہ آبی گزرگاہ دنیا میں تیل، قدرتی گیس اور کھادوں سمیت متعلقہ مصنوعات کی ترسیل کے اہم ترین راستوں میں سے ایک ہے۔ اس میں کسی بھی قسم کی رکاوٹ عالمی معیشت کو شدید جھٹکے دے سکتی ہے۔

ایسوسی ایٹڈ پریس نے یہ بھی تسلیم کیا کہ ایران کے خلاف جنگ کے آغاز میں امریکا اور اسرائیل کے اعلان کردہ اہداف کے باوجود، تہران نے اپنی میزائل قوت کو برقرار رکھا ہوا ہے، وہ حزب اللہ سمیت اپنے علاقائی اتحادیوں کی حمایت جاری رکھے ہوئے ہے، اور اپنے جوہری پروگرام کے لیے اعلیٰ درجے کی افزودہ یورینیم کے ذخائر بھی رکھتا ہے۔