پریتی زنٹا کی کترینہ کیف کو شادی کی مبارک باد

?️ 10 دسمبر 2021

ممبئی (سچ خبریں) بالی ووڈ اداکارہ پریتی زنٹا نے کترینہ کیف کو شادی خانہ آبادی کی مبارک بار دیتے ہوئے انہیں  شادی شدہ کلب میں خوش آمدید کہہ دیا۔ پریتی زنٹا نے اپنی پوسٹ کے کیپشن میں لکھا کہ ’میری پیاری کترینہ کیف اور وکی کوشل کو شادی مبارک ہو۔

سوشل میڈیا سائٹ انسٹاگرام پر پریتی زنٹا نے کترینہ کیف اور وکی کوشل کی شادی کی دلکش تصویر شیئر کی جس میں دونوں فلم اسٹار محبت بھری نظروں سے ایک دوسرے کو دیکھ رہے ہیں۔پریتی زنٹا نے اپنی پوسٹ کے کیپشن میں لکھا کہ ’میری پیاری کترینہ کیف اور وکی کوشل کو شادی مبارک ہو۔

بالی ووڈ اداکارہ نے لکھا کہ ’اپنے خاص دن پر تم دونوں کو دیکھ کر میرا دل بہت خوشی سے بھر گیا ہے۔‘اُنہوں نے مزید لکھا کہ ’آپ دونوں کو آج اور ہمیشہ زندگی کے ساتھی کے طور پر ایک نئے سفر کا آغاز کرتے ہوئے محبت اور خوشی نصیب ہو۔آخر میں اُنہوں نے کترینہ کیف اور وکی کوشل کو شادی شدہ کلب میں خوش آمدید بھی کہا۔

واضح رہے کہ ہر دلعزیز اداکارہ کترینہ کیف گزشتہ روز اپنے ساتھی اداکار وکی کوشل کے ساتھ شادی کے بندھن میں بندھ گئی ہیں۔دنیا بھر میں موجود اس جوڑی کے چاہنے والوں کی جانب سے نئے سفر کے آغاز پر اِنہیں دعائیں اور نیک تمنائیں بھیجی جا رہی ہیں۔