’ورنہ‘ فلم کے لیے ماہرہ خان سے قبل کرینہ کپور پہلی پسند تھیں، ہارون شاہد

?️

کراچی: (سچ خبریں) اداکار و گلوکار ہارون شاہد نے انکشاف کیا ہے کہ ان کی 2017 کی مقبول فلم ’ورنہ‘ میں ہیروئن کے طور پر ماہرہ خان سے قبل کرینہ کپور کو کاسٹ کیا جانا تھا لیکن بھارتی اداکارہ نے کام سے معذرت کردی تھی۔

ہارون شاہد حال ہی میں سما ٹی وی کے مارننگ شو میں شریک ہوئے، جہاں انہوں نے کیریئر سمیت مختلف معاملات پر کھل کر بات کی۔

پروگرام کے دوران انہوں نے بتایا کہ ’ورنہ‘ ان کی پہلی فلم تھی، انہوں نے اس سے قبل کبھی اسکول میں بھی اداکاری نہیں کی تھی۔

ہارون شاہد کے مطابق ان کے لیے یہی بڑی بات تھی کہ وہ ماہرہ خان اور فلم ساز شعیب منصور کے ساتھ کام کر رہے تھے اور انہیں فلم کی شوٹنگ کے دوران سیکھنے کو بہت کچھ ملا۔

انہوں نے ماہرہ خان کی شخصیت و اداکاری کی تعریفیں کرتے ہوئے کہا کہ وہ اتنی بڑی سپر اسٹار ہونے کے باوجود عام انسان کی طرح رویہ اختیار کرتی ہیں، ان میں کسی طرح کی کوئی مغروری نہیں۔

اداکار نے ماہرہ خان کی عاجزی پر ان کی تعریفیں کیں اور کہا کہ انہیں کبھی بھی شوٹنگ سیٹ پر ایسا محسوس نہیں ہوا کہ وہ باقیوں سے کمتر ہیں۔

ایک سوال کے جواب میں انہوں نے اعتراف کیا کہ ’ورنہ‘ فلاپ گئی، جس کا نقصان ماہرہ خان اور شعیب منصور سمیت انہیں بھی ہوا لیکن ان کے مقابلے باقیوں کا نقصان زیادہ ہوا۔

ہارون شاہد کا کہنا تھا کہ فلم کی ناکامی کے بعد لوگوں نے کہنا شروع کردیا کہ انہیں اداکاری نہیں آتی اور پھر انہیں 8 ماہ تک کوئی کام نہیں ملا لیکن پھر انہیں ہم ٹی وی کے ایک ڈرامے میں کام کی پیش کش ہوئی اور اتفاق سے وہ ڈراما بھی ناکام ہوا۔

پروگرام کے دوران ’ورنہ‘ پر بات کرتے ہوئے ہارون شاہد نے انکشاف کیا کہ مذکورہ فلم میں بطور ہیروئن کرینہ کپور کو کاسٹ کیا جانا تھا اور ان سے فلم کی ٹیم یعنی شعیب منصور کی باتیں بھی ہوچکی تھیں۔

انہوں نے بتایا کہ کرینہ کپور فلم کے لیے پہلی پسند تھیں لیکن اس وقت وہ حاملہ ہوگئیں اور انہوں نے فلم میں کام کرنے سے انکار کیا، جس کے بعد ماہرہ خان کو کاسٹ کیا گیا۔

ہارون شاہد کے مطابق انہیں دونوں اداکارائوں کے ساتھ کام کرنے کی خوشی تھی، اس لیے وہ ماہرہ خان کے ساتھ بھی انتہائی خوشی سے کام کرنے لگے، کیوں کہ وہ ملک کی سپر اسٹار تھیں۔

خیال رہے کہ ’ورنہ‘ کو 2017 میں ریلیز کیا گیا تھا، جس میں ہارون شاہد نے اداکارہ کے شوہر کا کردار ادا کیا تھا جو کہ پولیو سے متاثرہ شخص ہوتے ہیں۔

فلم میں ماہرہ خان کے اغوا کے بعد ان کا ریپ ہوجاتا ہے لیکن ان کے شوہر اور اہل خانہ انہیں قانونی کارروائی سے روکتے ہیں، تاہم اداکارہ اپنے خلاف ہونے والے ظلم پر قانونی کارروائی کرتی ہیں، جس دوران انہیں سخت مشکلات کا بھی سامنا کرنا پڑتا ہے۔

 

مشہور خبریں۔

امریکہ کی ایران سے مذاکرات کے لیے عجیب شرط!

?️ 17 فروری 2025 سچ خبریں:وائٹ ہاؤس کی قومی سلامتی کے مشیر نے آج ایک

خصوصی سرمایہ کاری سہولت کونسل کا کام غیر ملکی سرمایہ کاری کو بڑھانا ہے, وزیر اعظم

?️ 22 جون 2023اسلام آباد:(سچ خبریں) وزیر اعظم شہباز شریف نے معاشی مسائل کے حل

روپیہ مستحکم ،ڈالر کی تنزلی جاری

?️ 11 اگست 2022 اسلام آباد: (سچ خبریں) گزشتہ ماہ ریکارڈ پست ترین سطح پر

انگلینڈ میں ہر ماہ مرنے والوں کی تعداد تقریباً دو ہزار

?️ 2 جنوری 2023سچ خبریں:       رائل کالج آف ایمرجنسی میڈیسن کے صدر ڈاکٹر

انسانی حقوق کمیشن کی رپورٹ میں بھی سیاست بازی

?️ 23 جون 2021سچ خبریں:ایران کا کہنا ہے کہ اس ملک کے خلاف اقوام متحدہ

محمد عبداللہ خان سنبل چیف سیکریٹری پنجاب تعینات

?️ 21 دسمبر 2022لاہور: (سچ خبریں) وفاقی حکومت نے محمد عبداللہ خان سنبل کو چیف

جی ایچ کیو میں جوانوں کو اعزازات دینے کی تقریب کا انعقاد

?️ 19 مئی 2022راولپنڈی:(سچ خبریں)جی ایچ کیو میں مختلف آپریشنز کے دوران جرات و بہادری

اگر آپ بھی یہ غذائیں کھاتے ہیں، تو رہیں ہارٹ اٹیک کے لئے تیار

?️ 26 فروری 2021انگلینڈ {سچ خبریں} دنیا کے 5 برِاعظم کے افراد کے کھانے پینے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے