صرف ’نہ‘ کہنے پر قتل، شوبز شخصیات کا ٹک ٹاکر ثنا یوسف کے قتل پر شدید ردعمل

?️

کراچی: (سچ خبریں) اسلام آباد میں 17 سالہ ٹک ٹاکر ثنا یوسف کے بے رحمانہ قتل پر شوبز شخصیات نے گہرے دکھ اور غم و غصے کا اظہار کرتے ہوئے مجرم کو سزا دینے کی اپیل کی ہے۔

ڈان نیوز کے مطابق ایک شخص نے ٹک ٹاکر ثنا یوسف کے گھر میں گھس کر انھیں دو گولیاں ماریں اور موقع سے فرار ہوگیا۔

ثنا کی والدہ کی مدعیت میں درج مقدمے کے بعد، پولیس نے فوری کارروائی کرتے ہوئے ملزم عمر حیات کو فیصل آباد سے گرفتار کرلیا۔

اسلام آباد پولیس کے سربراہ کے مطابق، ملزم عمر حیات بھی ایک ٹک ٹاکر ہے جو ثنا سے دوستی کا خواہشمند تھا، تاہم ثنا کے بار بار انکار پر اُس نے یہ سفاکانہ قدم اٹھایا۔

شوبز انڈسٹری سے وابستہ کئی معروف فنکاروں نے اس واقعے پر شدید ردِعمل ظاہر کرتے ہوئے انصاف کی اپیل کی ہے۔

اداکارہ ماورا حسین نے اس دل خراش واقعے پر دکھ اور غصے کا اظہار کرتے ہوئے کہا کہ ہماری ڈراما انڈسٹری اور فلمیں جب زبردستی کے رشتوں، جنونی محبت اور ’نہ‘ کو رومانی انداز میں دکھاتی ہیں تو وہ نوجوان ذہنوں میں زہر گھولتی ہیں، پھر جب کوئی لڑکی انکار کرتی ہے، تو لڑکے اسے اپنی انا کی توہین سمجھتے ہیں، کیونکہ ہم نے انہیں کہانیوں میں سکھایا ہے کہ ’نہیں‘ کا مطلب ’ہاں‘ ہوتا ہے۔

اپنی انسٹاگرام پوسٹ میں انہوں نے کہا کہ یہ قتل صرف ایک فرد کا جرم نہیں بلکہ اس معاشرتی سوچ کا نتیجہ ہے جسے برسوں سے ہم نے پروان چڑھایا ہے، اگر ہم زہریلے رشتوں کو محبت کے رنگ میں پیش کرنا بند نہ کریں، تو ایسے سانحات بار بار ہوتے رہیں گے۔

اداکارہ ماہرہ خان نے بھی اس واقعے کی مذمت کی، انہوں نے ایکس (سابقہ ٹوئٹر) پر ایک پوسٹ میں کہا کہ اگر ہم نے قاتل کو سزا نہ دی تو یہ سلسلہ کبھی نہیں رکے گا، اس کا چہرہ سامنے لائیں اور اسے عبرت کا نشان بنائیں۔

اداکارہ مایا علی نے اس واقعے کو انسانیت سوز قرار دیتے ہوئے لکھا کہ یہ غیرت کے نام پر ظلم کی ایک اور المناک کڑی ہے۔

اُنہوں نے لکھا کہ دل ٹوٹ گیا ہے، ایک معصوم لڑکی جو صرف ’نہ‘ کہنے کی جرئت رکھتی تھی، اپنی جان سے ہاتھ دھو بیٹھی، یہ کس قسم کی غیرت ہے جو جان لینے کو حق سمجھتی ہے؟ میں ثنا کے اہلِ خانہ سے دلی تعزیت کرتی ہوں۔

اداکارہ سجل علی نے بھی اس واقعے پر افسوس کا اظہار کرتے ہوئے کہا کہ ایک لڑکی نے صرف ’نہیں‘ کہا اور اسے قتل کر دیا گیا، ہم کس بےحس معاشرے میں رہ رہے ہیں؟ ہمیں سیکھنا ہوگا کہ دوسروں کی حدود اور جذبات کا احترام کیسے کیا جاتا ہے۔

درِفشاں سلیم نے انسٹاگرام پر ایک طویل پوسٹ میں لکھا کہ جب ایک عورت انکار کرتی ہے تو بہت سے مرد بے نقاب ہو جاتے ہیں، اُن کا پیار غصے میں اور اُن کی عزت ملکیت میں بدل جاتی ہے، یہ واقعہ اس زہریلی سوچ کا عکس ہے جو مرد کو عزت نہیں بلکہ کنٹرول کرنا سکھاتی ہے۔

اداکارہ ایمن سلیم نے بھی واقعے پر افسوس کا اظہار کرتے ہوئے لکھا کہ کل ہی میں نے بات کی تھی کہ ہمارے ٹی وی ڈرامے کس طرح تشدد کو رومانوی بناتے ہیں اور آج، ایک نوجوان لڑکی کو صرف ’نہ‘ کہنے کی وجہ سے قتل کر دیا گیا، یہی وہ مسئلہ ہے جس کی طرف میں اشارہ کررہی تھی۔

اداکار و گلوکار فرحان سعید نے انسٹاگرام پر اپیل کی کہ مجرم کو سخت سزا دی جائے تاکہ وہ دوسروں کے لیے نشانِ عبرت بنے۔

انہوں نے کہا کہ میں سوچ بھی نہیں سکتا کہ ثنا یوسف کے والدین کس اذیت سے گزررہے ہوں گے۔

اداکارہ عائشہ عمر نے لکھا کہ اس واقعے پر گہرا دکھ ہے، الفاظ نہیں مل رہے، ایک لڑکی کو صرف ’نہ‘ کہنے پر قتل کر دیا گیا، اللہ تعالیٰ اس کے اہلِ خانہ کو صبر عطا فرمائے۔

اداکارہ عینا آصف جو ماضی میں ثنا یوسف کے ساتھ کام کرچکی ہیں نے بھی اس واقعے پر افسوس کا اظہار کرتے ہوئے اسے ایک المناک سانحہ قرار دیا۔

مشہور خبریں۔

دشمن طوفان الاقصی کے اسٹریٹجک نتائج کب تک برداشت کرتا رہے گا؟

?️ 7 اکتوبر 2024سچ خبریں: فلسطینی مزاحمتی گروہوں کی مشترکہ کمیٹی نے طوفان الاقصی کی

عطوان: مزاحمتی دباؤ نے قابضین کو غزہ میں امداد بھیجنے کا مظاہرہ کرنے پر مجبور کیا

?️ 30 جولائی 2025سچ خبریں: عطوان نے ڈاکٹر خلیل الحیا کے حالیہ ریمارکس کو سراہتے

عرب پارلیمنٹ میں اردن کے نمائندے نے صیہونی پرچم کے ساتھ کیا کیا؟

?️ 30 دسمبر 2023سچ خبریں: اطلاعات کے مطابق عرب پارلیمنٹ میں اردن کے نمائندے نے

جنوبی لبنان کی صورتحال؛ ایک فوجی کی گرفتاری اور مسلسل حملے 

?️ 11 مارچ 2025سچ خبریں: صیہونی فوج نے جنوبی لبنان میں کفر شوبا کے قریب لبنانی

روس کے خلاف پابندیاں پاگل پن ہے

?️ 3 مارچ 2022سچ خبریں:   وینزویلا کے صدر نکولس مادورو یوکرین کے بحران پر اپنا

بھارت کیساتھ غیرجانبدار مقام پر کشمیر، پانی، تجارت اور دہشتگردی پر بات ہوگی، وزیراعظم

?️ 21 مئی 2025اسلام آباد: (سچ خبریں) وزیراعظم شہبازشریف نے کہا ہے کہ پاکستان اور

اداکارعمران عباس کی والدہ انتقال کرگئیں

?️ 16 دسمبر 2021کراچی (سچ خبریں) ڈرامہ و فلم انڈسٹری کے اداکار عمران عباس کی

حزب اللہ کے سکریٹری جنرل کا زخمی مجاہدین کے نام خط

?️ 7 فروری 2025سچ خبریں:حزب اللہ کے سکریٹری جنرل نعیم قاسم نے اس جماعت کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے