صبا قمر نے عید پر بھی مداحوں کے دل جیت لئے

🗓️ 22 جولائی 2021

کراچی (سچ خبریں) مقبول و معروف اداکارہ صبا قمر نے جاندار اداکاری کے ساتھ ساتھ عید پر اپنی تیاری سے بھی مداحوں کے دل جیت لئے، صبا قمر پاکستان سمیت بھارت میں بھی یکساں مقبول اداکارہ کے طور پہچانی جاتی ہیں۔ عید الاضحیٰ کے موقع پر صبا قمر نے گہرے پیلے جوڑے کا انتخاب کیا جو ان پر خوب جچا اور مداحوں نے تعریفیں شروع کر دیں۔

اداکارہ کے پاکستان میں موجود مداحوں نے ناصرف ان کی عید کی تیاری کو سراہا اور تصویروں میں ان کے دلکش اور قاتلانہ انداز کی تعریف کی بلکہ  امریکی اداکارہ بھی صبا قمر کی تعریف کیے بغیر نہ رہ سکیں۔عید الاضحیٰ کے موقع پر صبا قمر نے گہرے پیلے جوڑے کا انتخاب کیا جو ان پر خوب جچا۔

گہرے پیلے قمیص شلوار میں انہوں نے زیورات میں صرف جھمکے اور ہاتھ میں انگوٹھی پہنی، غرض کہ  وہ اپنی سادگی میں بھی قیامت ڈھا رہی تھیں۔عید کی تصویروں پر صبا قمر کے مداح جہاں ان کے دلکش انداز کی تعریفیں کررہے ہیں وہیں، اداکارہ رابعہ بٹ، یوٹیوبر شاہ ویر جعفری، اداکارہ اُشنا شاہ نے بھی ان کی تعریف کی اور عید کی مبارکباد دی۔ امریکی اداکارہ  سمانتھا اسٹیفن نے بھی اداکارہ کی خوبصورتی کی تعریف کی اور عید کی مبارکباد دی۔