رجنی کانت نے سالگرہ کی مبارکبادپر شاہ رخ خان کا شکریہ ادا کیا

?️ 14 دسمبر 2021

ممبئی (سچ خبریں) سپر اسٹار رجنی کانت نے مائکرو بلاگنگ ویب سائٹ ٹویٹر پر اپنی سالگرہ کے موقع پر مبارکباد دینے والے  شاہ رخ خان سمیت تمام سیاست دانوں اور اداکاروں کا شکریہ ادا کیا ہے انہوں نے 12 دسمبر کو اپنی 71 ویں سالگرہ منائی ہے۔تاہم یہ سوال پیدا ہوتا ہے کہ شاہ رخ خان نے انہیں کیسے مبارکباد دی ہے؟

شاہ رخ خان اپنے بیٹے کی گرفتاری کے بعد سے سوشل میڈیا پرمتحرک نہیں ہیں اور پچھلے کچھ مہینوں سے انہوں نے سوشل میڈیا پر کچھ بھی پوسٹ نہیں کیا تو پھریہاں یہ سوال اُٹھتا ہے کہ انہوں نے سپر اسٹار رجنی کانت کی سالگرہ پر مبارکباد کیسےدی؟

رجنی کانت نے مائیکرو بلاگنگ ویب سائٹ ٹوئٹر پر سالگرہ کے موقع پر مبارکباد دینے والے تمام لوگوں کا شکریہ ادا کرنے کے لیے خصوصی نوٹ شیئر کیا ہے۔رجنی کانت نے تامل زبان میں ایک نوٹ شیئر کیا ہےجس میں انہوں نے سالگرہ کی مبارکباد دینے پر شاہ رخ خان کا بھی شکریہ ادا کیا۔

اداکار کا یہ نوٹ دیکھ کر ایسا لگتا ہے کہ شاہ رخ خان نے ذاتی طور پر رجنی کانت کو ان کی سالگرہ پر مبارکباد دینے کے لیےفون یا میسیج کیا ہے۔خیال رہے کہ شاہ رخ خان اپنی فلم’پٹھان‘ کی شوٹنگ کر رہے تھے جب ان کے بیٹے آریان خان کو این سی بی نے گرفتار کر لیاتھا۔ اس واقعہ کے بعد وہ اپنے خاندان کے ساتھ ممبئی پہنچ گئےجہاں ان کے بیٹے آریان خان ضمانت پر رہا ہونے سے قبل چند ہفتے  کے لیے جیل میں تھے۔