?️
کراچی: (سچ خبریں) ہر سال ہونے والے ’انٹرنیشنل پاکستان پرسٹیج ایوارڈز‘ (آئی پی پی اے) کی پانچویں سالانہ ایوارڈز تقریب برطانیہ کے شہر مانچسٹر میں 22 اکتوبر کو منعقد ہوئی جہاں اداکارہ مہوش حیات نے بہترین اداکارہ کا ایوارڈ جیتنے کے بعد فلسطینیوں سے اظہار یکجہتی کرتے ہوئے فوری سیز فائر کا مطالبہ بھی کیا۔
انٹرنیشنل پاکستان پرسٹیج ایوارڈز میں متعدد ٹی وی و فلم کے اداکاروں نے شرکت کی جب کہ احسن خان، عائشہ عمر، حمائمہ ملک اور دیگر اداکاروں نے ڈانس پرفارمنس کرکے چار چاند لگا دیے۔
آئی پی پی اے کی سالانہ پانچویں ایوارڈز تقریب میں شرکت کرنے والی شوبز شخصیات نے انسٹاگرام پر تقریب کی ویڈیوز اور تصاویر شیئر کیں جب کہ ایوارڈز جیتنے والے اداکاروں کو ساتھی شخصیات نے مبارک باد بھی پیش کی۔
اس دوران اداکارہ مہوش حیات نے فلم ’لندن نہیں جاؤں گا‘ کے لیے بہترین اداکارہ کا ایوارڈ اپنے نام کیا۔
مہوش حیات اپنی اداکاری کے علاوہ سماجی سرگرمیوں کے حوالے سے بھی جانی جاتی ہیں، ایوارڈ لینے کے لیے جب مہوش حیات اسٹیج پر پہنچی تو انہوں نے فلسطین سے اظہار یکجہتی کرتےہوئے کہا کہ ’غزہ میں جو کچھ ہو رہا ہے اسے دیکھ کر خوشی محسوس کرنا مشکل ہے، جیسا کہ ڈاکٹر کنگ کہتے ہیں، ’خاموش رہنا اتنا ہی خطرناک ہے جتنا کہ آواز اٹھانا‘۔
انہوں نے کہا کہ غزہ کی مائیں اپنے معصوم بچے کھو رہی ہیں، ہر بچے کی زندگی اہم ہے غزہ میں جو بچوں کے ساتھ ہورہا ہے وہ اس کے مستحق نہیں ہیں، ہسپتال، اسکولز اور گھروں کو تباہ کیا جارہا ہے۔
مہوش حیات نے اپنے تقریر کے دوران ’فوری سیز فائر‘ کا مطالبہ بھی کیا۔
اداکارہ نے ویڈیو کے کپشن میں لکھا کہ ’گزشتہ رات مانچسٹر میں جہاں مجھے ’لندن نہیں جاؤں گا‘ میں اپنے کردار کے لیے بہترین اداکارہ کا ایوارڈ ملا، میں نے ہمیشہ اہم مسئلے کو اجاگر کرنے کے لیے اپنا پلیٹ فارم استعمال کرنے کی کوشش کی ہے۔
انہوں نے لکھا کہ ’میں اس بات پر یقین رکھتی ہوں کہ خطے میں امن ممکن اس کے لیے ہمیں انسانیت کو سمجھنا ہوگا، میری دعا ہے کہ لوگوں کی آپس میں نفرتیں ختم ہوں اور ایک دوسرے کے لیے ہمدردی پیدا ہو۔‘
اس کے علاوہ تقریب میں دیگر اداکاروں کو بھی ایوارڈ دیے گئے جن میں فلم کی کیٹگری میں فلم ’لندن نہیں جاؤں گا‘ نے بہترین فلم کا ایوارڈ اپنے نام کیا جبکہ اسی فلم کے لیے اداکار ہمایوں سعید نے بہترین اداکار، اداکارہ مہوش حیات نے بہترین اداکارہ اور بہترین سپورٹنگ کردار کے لیے سہیل احمد کو ایوارڈ دیا گیا۔
اس کے علاوہ بہترین ہدایت کار کے لیے فلم ’دم مست‘ کو ایوارڈ دیا گیا۔
ڈرامے کی کیٹیگری کی بات کی جائے تو بہترین ڈراما سیریل کا ایوارڈ ’صنف آہن‘ کو دیا گیا جبکہ اسی ڈرامے کے ہدایت کار کو بہترین ہدایت کار کا ایوارڈ دیا گیا۔
احسن خان (ڈراما میرے ہم نشین) کو بہترین اداکار، ہانیہ عامر (ڈراما سنگ ماہ) کو بہترین اداکارہ اور احسان خان اور حبا بخاری (ڈراما ہم نشیں) کو بہترین جوڑے کے ایوارڈ سے نوازا گیا۔
مشہور خبریں۔
فلسطینیوں کے خلاف صیہونی جرائم میں آسٹریلیا برابر کا شریک ہے:حماس
?️ 5 مارچ 2022سچ خبریں:حماس کے سیاسی بیورو کے رکن نے کہا کہ آسٹریلیا اور
مارچ
روس کے خلاف مغربی پابندیاں کیوں کام نہیں کرتی؟
?️ 20 ستمبر 2023سچ خبریں:ماڈرن ڈپلومیسی نیوز سائٹ نے اپنی ایک رپورٹ میں روس کے
ستمبر
اوگرا نے گیس کے نرخوں میں 50 فیصد اضافے کی منظوری دے دی
?️ 3 جون 2023اسلام آباد: (سچ خبریں) اوگرا نے حکومت سے کہا ہے کہ وہ
جون
ہم کینیڈا کی درآمدی پابندیوں کا جواب دیں گے: چین
?️ 27 جون 2024سچ خبریں: اوٹاوا میں چین کے سفارت خانے نے اعلان کیا ہے کہ
جون
سول نافرمانی سے کسی کا انفرادی نہیں بلکہ ملک کا نقصان ہی ہو گا، امیر مقام
?️ 25 دسمبر 2024پشاور: (سچ خبریں) مسلم لیگ (ن) خیبرپختونخوا کے صدر اور وفاقی وزیر
دسمبر
ٹوئٹر فرانس اور امریکہ میں ہزاروں صارفین کے لیے دستیاب نہیں
?️ 2 مارچ 2023سچ خبریں:Downdetector ویب سائٹ کے اعداد و شمار کے مطابق، امریکہ میں
مارچ
اسلام آباد میں آج بلدیاتی انتخابات کرانے کے فیصلے کے خلاف انٹراکورٹ اپیل دائر
?️ 31 دسمبر 2022اسلام آباد:(سچ خبریں) وفاقی حکومت اور الیکشن کمیشن نے آج اسلام آباد
دسمبر
اقوام متحدہ مسئلہ فلسطین اور کشمیر کو حل کر نے میں ناکام ر ہا ہے، منیر اکرم
?️ 24 اکتوبر 2023اقوام متحدہ: (سچ خبریں) اقوام متحدہ میں پاکستان کے سفیر منیر اکرم
اکتوبر