سپریم کورٹ کے فیصلے کے بعد الیکشن کمیشن کی کیا حیثیت باقی رہ گئی ہے؟ حافظ نعیم الرحمٰن کی زبانی

?️ 13 جولائی 2024

سچ خبریں: امیر جماعت اسلامی حافظ نعیم الرحمٰن نے کہا ہے کہ سپریم کورٹ کا فیصلہ تازہ ہوا کا جھونکا ہے اور اسے جزوی طور پر نہیں بلکہ مکمل طور پر تسلیم کرنا پڑے گا۔

کراچی میں پریس کانفرنس کرتے ہوئے انہوں نے کہا کہ ہمارا اعتماد پارلیمانی نظام سے اٹھ چکا ہے۔ انہوں نے سوال اٹھایا کہ سپریم کورٹ کے فیصلے کے بعد الیکشن کمیشن کی کیا حیثیت باقی رہ گئی ہے؟ الیکشن کمیشن کے تمام افراد کو خود ہی استعفیٰ دے دینا چاہیے۔

یہ بھی پڑھیں: سپریم کورٹ کے فیصلے سے کون سی حقیقت سامنے آ گئی؟ امیر جماعت اسلامی

حافظ نعیم الرحمٰن نے کہا کہ اس فیصلے سے بہت سے سوالات پیدا ہوئے ہیں۔ ایم کیو ایم کو کراچی سے ایک لاکھ ووٹ بھی نہیں ملا، ان لوگوں کی کوئی حیثیت نہیں ہے۔

مزید پڑھیں: کیا سپریم کورٹ کا فیصلہ سیاسی ہے؟خواجہ آصف کی زبانی

انہوں نے کہا کہ نواز شریف کو خود 70 ہزار ووٹ ڈلوانے پڑے۔ انہوں نے ان لوگوں سے سوال کیا جنہوں نے کہا تھا کہ ہم اسمبلی میں نہیں جائیں گے، مگر فارم 45 کے بجائے فارم 47 کے ساتھ اسمبلی میں بیٹھے ہیں۔