ملکی صورتحال اور سیاستدانوں کے حالات؛ خواجہ سعد رفیق کی زبانی

?️ 21 جولائی 2024

سچ خبریں: مسلم لیگ ن کے رہنما خواجہ سعد رفیق نے کہا ہے کہ ہم اجتماعی خودکشی پر تلے ہوئے ہیں،اگر ایک دوسرے کے گریبان پھاڑنے سے فرصت ملے تو سوچئے گا۔

سماجی رابطے کی ویب سائٹ ایکس پر اپنے بیان میں خواجہ سعد رفیق نے کہا کہ ملک میں مایوسی، جھوٹ، تشدد، کنفیوژن اور انتشار کا زہر پھیلایا جا رہا ہے۔

یہ بھی پڑھیں: ملکی مسائل کے بارے میں نواز شریف کا بیان

انہوں نے کہا کہ یہ سب کچھ ایک سازش اور سوچے سمجھے منصوبے کے تحت کیا جا رہا ہے، جس میں کچھ لوگ دیدہ دانستہ اور کچھ نااہلی و نادانستگی میں حصہ لے رہے ہیں۔

سعد رفیق نے مزید کہا کہ معاشی بدحالی، غربت، لاقانونیت اور آئین کی پامالی عروج پر ہے۔ کرپشن، بدانتظامی، جبر و فسطائیت جنگل کی آگ کی طرح پھیل رہے ہیں۔

مزید پڑھیں: کیا سپریم کورٹ نے ملک کو دہشت گردوں کے حوالے کر دیا ہے؟ عظمیٰ بخاری کی زبانی

انہوں نے سوال اٹھایا کہ ہم کیوں اجتماعی خودکشی پر تلے ہوئے ہیں؟ اگر ایک دوسرے کے گریبان پھاڑنے سے فرصت ملے تو سوچیں۔