کیا پی ٹی آئی ایک دہشت گرد جماعت ہے؟ وفاقی وزیر اطلاعات کی زبانی

کیا پی ٹی آئی ایک دہشت گرد جماعت ہے؟ وفاقی وزیر اطلاعات کی زبانی

?️

سچ خبریں: وفاقی وزیر اطلاعات عطا تارڑ نے دعویٰ کیا ہے کہ پی ٹی آئی ایک دہشت گرد جماعت ہے اور ملک کے لیے خطرہ ہے،تحریک انصاف اور پاکستان ایک ساتھ نہیں چل سکتے۔

اسلام آباد میں ایک پریس کانفرنس کرتے ہوئے عطا تارڑ نے کہا کہ بنوں میں تاجروں کے احتجاج میں کچھ افراد شامل ہوگئے جنہوں نے وہاں پہنچ کر فائرنگ کی، جس سے بھگدڑ مچ گئی اور 22 افراد زخمی ہوگئے،پی ٹی آئی کی کوشش تھی کہ فوج پر الزام عائد ہو کہ سویلینز کو ماردیا۔

یہ بھی پڑھیں: دہشتگردوں سے مذاکرات نہیں ہوں گے، اینٹ کا جواب پتھر سے دیا جائے گا، وزیر قانون

عطا تارڑ نے کہا کہ بنوں کی سازش سب کے سامنے ہے،کے پی حکومت جو بھی کہے، اس واقعے کی خود تحقیقات نہیں کراسکتی جس میں ان کے لوگ ملوث ہوں۔

انہوں نے دعویٰ کیا کہ عمران خان پر آرٹیکل 6 کے فیصلے پر پیپلز پارٹی حکومت کے ساتھ ہے۔ ان کا کہنا تھا کہ پی ٹی آئی ایک دہشت گرد جماعت ہے اور یہ ملک کے لیے خطرہ ہیں۔ تحریک انصاف اور پاکستان ایک ساتھ نہیں چل سکتے،پی ٹی آئی پر پابندی کے اصولی فیصلے پر مشاورت جاری ہے۔

عطا تارڑ نے ایک بین الاقوامی جریدے کا حوالہ دیتے ہوئے کہا کہ بانی پی ٹی آئی کو ڈیتھ سیل میں رکھا گیا ہے جبکہ شہباز شریف کو کمر کی تکلیف کے باوجود بکتر بند گاڑی میں لایا جاتا تھا۔

بانی پی ٹی آئی نے کہا تھا کہ میں اے سی اتاردوں، ٹی وی بند کردوں گا، دوائیاں نہیں جانے دوں گا، لیکن اڈیالہ جیل میں ان کے پاس ایک پریزیڈنشل سویٹ ہے، ایکسرسائیز مشین ہے اور واک کرنے کے لیے گیلری ہے۔

انہوں نے مزید کہا کہ مسلم لیگ ن کبھی سیاسی انتقام کی خواہشمند نہیں رہی اور نہ ہی انتقام لیا ہے۔

یاد رہے کہ چند دن قبل وفاقی حکومت نے تحریک انصاف پر پابندی لگانے کا فیصلہ کیا تھا اور اعلان کیا تھا کہ سابق صدر عارف علوی، بانی پی ٹی آئی اور سابق ڈپٹی اسپیکر قاسم سوری کے خلاف آرٹیکل 6 کا کیس چلایا جائے گا۔ ان تینوں افراد کے خلاف وفاقی کابینہ کی منظوری کے بعد ریفرنس سپریم کورٹ کو بھیجا جائے گا۔

مزید پڑھیں: کیا حکومت اور پی ٹی آئی میں مذاکرات ہو سکتے ہیں؟

پیپلز پارٹی کے رہنماؤں نے اس حوالے سے حکومت کی جانب سے مشاورت نہ کرنے کا شکوہ کیا تھا۔ اس سلسلے میں پیپلز پارٹی اور ن لیگ کا مشاورتی اجلاس بھی ہوا تھا، جس میں پی ٹی آئی پر پابندی کا معاملہ پارٹی سطح پر لانے کا کہا گیا تھا۔

مشہور خبریں۔

دنیا مقبوضہ جموں وکشمیرمیں انسانی حقوق کی بدترین صورتحال کا نوٹس لے : کل جماعتی حریت کانفرنس

?️ 26 نومبر 2023سرینگر: (سچ خبریں) کل جماعتی حریت کانفرنس کے رہنماؤں اور تنظیموں  نے

اسلام آباد ہائی کورٹ نے پیمرا کو ٹی وی چینلز کیخلاف تادیبی کارروائی سے روک دیا، نوٹس جاری

?️ 24 مئی 2024اسلام آباد: (سچ خبریں) اسلام آباد ہائیکورٹ نے عدالتی کارروائی کی رپورٹنگ

شبانہ اعظمی کا کنگنا رناوت کو کرارا جواب

?️ 11 فروری 2022ممبئی (سچ خبریں) بالی ووڈ کی سینئر اداکارہ شبانہ اعظمی نے برقع

میں جلدی ہی سعودی عرب میں ہوں گا:صیہونی ربی

?️ 11 اپریل 2021سچ خبریں:ایک صیہونی ربی نے اعلان کیا کہ وہ جلد ہی سعودی

ڈپٹی چیئرمین سینیٹ کا انکشاف، دوسری جماعتوں کے لوگوں نے بھی مجھے ووٹ دیئے

?️ 18 مارچ 2021اسلام آباد (سچ خبریں) موجودہ ڈپٹی چیئرمین سینیٹ مرزا محمد آفریدی نے

نیلم منیر نے نکاح کی تصاویر شیئر کردیں

?️ 4 جنوری 2025کراچی: (سچ خبریں) ماڈل و اداکارہ نیلم منیر نے مایوں کی تقریب

امریکی طلباء کے نام آیت اللہ خامنہ ای کے خط کا جائزہ

?️ 6 جون 2024سچ خبریں: فلسطین کے مسئلے پر امام خمینی اور آیت اللہ خامنہ

وزیر اعظم کا ملک میں بجلی کے تعطل کا سخت نوٹس

?️ 23 جنوری 2023اسلام آباد: (سچ خبریں) وزیر اعظم شہباز شریف نے ملک میں بجلی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے