کیا آل پارٹیز کانفرنس میں شرکت کرنے کے فیصلے پر سب ارکان راضی ہیں؟

?️ 6 جولائی 2024

سچ خبریں: پاکستان تحریک انصاف کے رہنما شیخ وقاص اکرم نے کہا ہے کہ آل پارٹیز کانفرنس میں شرکت تو دور کی بات حکومت کے ساتھ چائے بھی نہ پینا چاہیے۔

جیو نیوز کے پروگرام کیپٹل ٹاک میں گفتگو کرتے ہوئے شیخ وقاص اکرم نے تنقید کی کہ حکومت ایک طرف اپوزیشن لیڈر سے ہاتھ ملا رہی ہے اور دوسری طرف کارکنوں پر تشدد کر رہی ہے۔

یہ بھی پڑھیں: کیا پی ٹی آئی آل پارٹیز کانفرنس میں شرکت کرے گی؟بانی تحریک کیا کہتے ہیں؟

انہوں نے بتایا کہ وزیر اعلیٰ خیبر پختونخوا کو پانچ دن سے بانی پی ٹی آئی سے ملاقات کی اجازت نہیں دی جا رہی، جیل اہلکار کہتے ہیں کہ ہمیں اوپر سے حکم ہے، تو سوال یہ ہے کہ کس کا حکم ہے؟ حکومت میں وزیر اعلیٰ اور وزیر داخلہ انہیں کی جماعت سے ہیں، پھر وہ ہم سے کیا توقع رکھتے ہیں؟

شیخ وقاص اکرم نے کہا کہ حکومت کے اقدامات ایسے ہیں کہ ان کے ساتھ بیٹھ کر چائے بھی نہیں پی جا سکتی، اے پی سی میں شرکت تو دور کی بات ہے، وزیراعظم اٹھ کر اپوزیشن لیڈر سے ہاتھ ملاتے ہیں جیسے مشرف نے واجپائی سے ہاتھ ملایا تھا۔

انہوں نے مزید کہا کہ ایک دن پہلے پنجاب میں ہمارے لوگوں پر کیسز بنائے جاتے ہیں اور پھر وزیراعظم ملنے کی بات کرتے ہیں، آج کل یہ ڈرامے نہیں چلتے۔

پروگرام میں شریک مسلم لیگ ن کے رہنما طارق فضل چوہدری نے کہا کہ الیکشن میں غلطیوں کی گنجائش ہمیشہ رہتی ہے، اب اگر الیکشن کمیشن فارم 45 اپ لوڈ کر رہا ہے تو کہنا چاہیے کہ دیر آید درست آید، انتظامات کی بات کمرے میں کرنا اور فیلڈ میں نافذ کرنا مختلف ہوتا ہے۔

مزید پڑھیں: لاہور: 9 مئی کے پرتشدد واقعات میں ملوث ملزمان کےخلاف چارج شیٹ نامکمل قرار

شیخ وقاص اکرم نے حیرت کا اظہار کرتے ہوئے کہا کہ الیکشن کمیشن کی ساری غلطیوں کا فائدہ ن لیگ کو ہی ہوا۔

انہوں نے مزید کہا کہ اسرائیل فلسطینیوں پر ظلم کر رہا ہے، بچوں اور خواتین کو قتل کر رہا ہے، اور ہم مسلمان صرف باتیں کر رہے ہیں۔